圓山台灣料理 (已結業)

今日食這圆山台湾料理，食店裝潢潔淨，坐位比一般食肆舒服，店員服務又周到，今時今日有好嘅服務態度的食店，真的不多，值得一讚。先睇餐牌啦，有不少選擇，套餐有二人及四人的，也有海鮮套餐。而單點方面也有唔同選擇，仲有招牌海鮮，價錢還很貼地呢。叫咗其中一味招牌海鮮「花雕蒸海中蝦」一上枱已聞到花雕嘅酒香，而海蝦有成16件，仲要有蝦膏，重本選用咗海蝦，並唔係平價的基圍蝦，入口蝦肉彈牙，蝦膏夾雜著花雕的酒香，食到難停口。第二味叫了「台式黃花魚」可以自己選擇烹調的方法，有蒜片、豆瓣、五味、豆酥，而我哋選了蒜片煮。黃花魚炸得金脆，而不失魚香鮮味，配上炸得脆香的蒜片，把魚的香味發揮得淋漓盡致，下飯一流。再點多一樣「蜜桃咕嚕黑豚肉」，黑豚肉炸得香脆，內裹保留著豚肉汁，加上蜜桃🍑嘅甜香，中和到豚肉的肥厚，三色椒加上紫洋蔥，配上咕嚕汁同吃，清甜之選。最後叫咗一個「懷舊馬拉糕」作飯後甜點，馬拉糕做得鬆軟綿密，有濃濃糖香，入口不粘，作為整頓晚餐的完美終結，真得大滿足。