韓閣 (富裕樓) (已結業)

今日同男友專登出左荃灣買野，搵地方食晏果陣突然好懷念以前去旅行係街頭凍冰冰但食完暖粒粒既韓國菜，所以就搵下附近有咩韓國餐廳😎曾經聽過一句說話叫“冬吃蘿蔔夏吃薑”😂 所以我專登叫左個每日限量供應既牛骨蘿蔔湯，另外加左好特別既玫瑰真露翼，韓國菜必點既泡菜煎餅同韓式手卷(牛肉雜菜)，同埋一杯青檸柚子蜜～玫瑰真露翼賣相好精美，食落甜甜地兼好香既玫瑰味，幾清新幾特別😀牛骨蘿蔔湯份量好足，湯底清甜，啲蛙蛙菜索晒個湯底好入味，蘿蔔夠淋又冇渣👍👍 牛骨一咬就骨肉分離，食完成個人暖粒粒😊泡菜煎餅係我呢一兩年既新寵😁 因為泡菜有益而且開胃好味，煎成薄薄既餅好香脆又唔會太濟😋 呢度既煎餅外圍好脆，望落唔薄但其實只係因為佢既泡菜係厚切😂 我不嬲都好鍾意食韓式手卷，因為雖然細細舊但材料同口感都好豐富😍 今日就揀咗牛肉雜菜卷，牛肉調味適中，雜菜同啲黃蘿蔔增加爽脆口感，加埋搽左麻油既紫菜同散左啲芝麻係面頭就更加香，好食！🤤食完呢餐咁好味既韓國菜之後又挑起我既旅行癮😭😭