影片
更多
2021-04-06
191 瀏覽
意大利人係幾識食，所以意大利菜都算係數一數二出名嘅歐洲菜。呢間以傳統意大利家庭菜作招徠的Da Filippo，最近就喺海港城開業，熱愛歐陸風情嘅我當然要去捧場❤️🇮🇹1️⃣Classic Meatball in Tomato Sauce經典肉丸配蕃茄醬 $98我幾中意食肉丸，覺得呢度嘅肉丸比較焾，好容易就可以切開，可能欠缺少少咬口。個茄醬味道做得幾豐富，同時唔溜喉，口味幾清新2️⃣Classic Lobster Tagliatelle經典龍蝦扁意粉 $288龍蝦有兩舊，應該差不多足一隻。龍蝦汁完美掛在自家製嘅扁意粉上。中意食龍蝦嘅我，可以話佢隻龍蝦幾香，d肉都好靚。唯一美中不足是我覺得意粉煮得太焾3️⃣’Meat Lover’ Pizza 情人眼裏出肉肉 $198有幾隻正路嘅火腿同腸，有Salami, Parma ham, Finocchiona同Pancetta等。食落口就係呢幾種肉撈埋嘅味道，特別嘅係，呢個Pizza嘅餅底係採用左自家培植嘅酸麵種來製作，零舍香同有趙口。4️⃣Sous-Vide Lamb Chops with Sundried Tomatoes & Eggplant Purée 低溫
1️⃣Classic Meatball in Tomato Sauce經典肉丸配蕃茄醬 $98
我幾中意食肉丸，覺得呢度嘅肉丸比較焾，好容易就可以切開，可能欠缺少少咬口。個茄醬味道做得幾豐富，同時唔溜喉，口味幾清新
2️⃣Classic Lobster Tagliatelle經典龍蝦扁意粉 $288
龍蝦有兩舊，應該差不多足一隻。龍蝦汁完美掛在自家製嘅扁意粉上。中意食龍蝦嘅我，可以話佢隻龍蝦幾香，d肉都好靚。唯一美中不足是我覺得意粉煮得太焾
3️⃣’Meat Lover’ Pizza 情人眼裏出肉肉 $198
有幾隻正路嘅火腿同腸，有Salami, Parma ham, Finocchiona同Pancetta等。食落口就係呢幾種肉撈埋嘅味道，特別嘅係，呢個Pizza嘅餅底係採用左自家培植嘅酸麵種來製作，零舍香同有趙口。
4️⃣Sous-Vide Lamb Chops with Sundried Tomatoes & Eggplant Purée 低溫慢煮香嫩羊架配油漬蕃茄及茄子蓉 $328
呢個羊架完全冇羶味，火候控制得幾好，羊肉嘅外層脆脆地，而內裏就夠嫩滑。配菜亦見用心，油漬蕃茄好食，同茄子蓉配搭得宜。
服務
侍應嘅應對態度尚算專業，唯整個用餐過程都冇十分主動照顧食客嘅需要，服務平平。結帳離座時亦沒有任何客氣的道別語，完全稱不上係一間有良好服務嘅餐廳。
用餐環境
今次我哋有幸被安排到一個小間隔，坐一張八人枱，位置非常闊落。但縱觀樓面的用餐環境，座位比較逼夾。可能裝修設計關係，餐廳環境亦都非常嘈雜，整體氣氛差。
餐廳位置
由柯士甸站戲曲中心行過去會比較近，去到港威中心地下入口搭扶手電梯上兩層直達。
埋單$1003（連加一服務費）大廚係米芝蓮一星廚師，呢個價錢食呢個質素，價錢可謂親民。
========================
張貼
