影片
更多
2021-07-20
5746 瀏覽
相信大家如果響市區想食韓國菜既話，尖沙咀金巴利道絕對係你既選擇之一，皆因整條金巴利道雲集左唔同種類既韓國菜，不論係小菜還是燒烤都好。而其中默默多年努力響金巴利道經營既韓國餐廳，高麗軒就絕對係其中之一!前往高麗軒非常簡單，響尖沙咀美麗華商場一向沿金巴利道直行，過左君怡酒店後，就會見到高麗軒既招牌響你面前，而旁邊就會有條樓梯深入高麗軒既餐廳。高麗軒採取以人頭收費為基礎既任食韓燒，小編與老公響晚間黃金時間食個陣，收費就係$278/位再加一，當中如果1-3人光顧就有1.5小時用餐時間；而4人或以上光顧就有2小時用餐時間 (不過小編既意見係絕對放心，實夠時間食! 一陣下文再慢慢解釋)落單就利用QR Code，以便無接觸形式落單。基本上上菜速度非常快，落單後大約5分鐘內就會送到，而且每款食物都會利用獨立既碟去裝住，以免肉汁混合後影響食物本身既味道。而飲品都係自助形式，可以響餐廳入口旁既汽水桶櫃任拎，除左大路既汽水﹑茶及果汁外，佢地都推薦試下低糖既混合果汁，由於混合果汁既配搭都幾特別，所以大家到時拎個陣可以研究下吧!講返食物先! 佢地大致有分前菜 (有6款都幾好)﹑燒烤食物﹑一品料理，以及湯/飯類。
前往高麗軒非常簡單，響尖沙咀美麗華商場一向沿金巴利道直行，過左君怡酒店後，就會見到高麗軒既招牌響你面前，而旁邊就會有條樓梯深入高麗軒既餐廳。
高麗軒採取以人頭收費為基礎既任食韓燒，小編與老公響晚間黃金時間食個陣，收費就係$278/位再加一，當中如果1-3人光顧就有1.5小時用餐時間；而4人或以上光顧就有2小時用餐時間 (不過小編既意見係絕對放心，實夠時間食! 一陣下文再慢慢解釋)
落單就利用QR Code，以便無接觸形式落單。基本上上菜速度非常快，落單後大約5分鐘內就會送到，而且每款食物都會利用獨立既碟去裝住，以免肉汁混合後影響食物本身既味道。而飲品都係自助形式，可以響餐廳入口旁既汽水桶櫃任拎，除左大路既汽水﹑茶及果汁外，佢地都推薦試下低糖既混合果汁，由於混合果汁既配搭都幾特別，所以大家到時拎個陣可以研究下吧!
講返食物先! 佢地大致有分前菜 (有6款都幾好)﹑燒烤食物﹑一品料理，以及湯/飯類。種類都有唔少，所以響1.5小時內小編與老公都盡力去試唔同既食物，但份量都足夠下都試唔哂所有食物，唯有等下次再黎試吧!
牛舌：推介! 牛舌算係厚切形式上菜，所以燒個陣要偏向慢燒，否則就會好易因為過火而令牛舌變硬，但肉質幾結實所以口感幾好
特級牛頸肉：推介! 牛頸肉燒出黎肉質鮮嫩，食個陣油脂味好香，而相對厚切既情況下令你覺得滿足
牛肉：好味! 韓式既牛肉都係以條裝既形式去燒，由於係薄切關係，所以燒個陣要留意住火而盡快翻轉 (除非想燒成炒牛肉既感覺)
肉眼扒：好味! 肉眼扒因為厚身關係，所以其實都幾難燒，建議大家可以用中火俾少少耐性去燒而做到網燒效果
豬頸肉：還好! 小編食既呢份就會比較肥少少，但肉質都算彈口，所以稍為燒耐少少等多餘油脂排走後，食落去都幾爽口
五花腩：好味! 原以為五花腩會比豬頸肉更惹火而容易燒燶，但反而燒完後五花腩既邊位變脆，食個陣都幾得意
羊肉：好味! 食個陣完全唔覺有羶味，燒既方法都似牛肉咁，有需要就可以直接以炒既形式處理
雞肉：好味! 不過雞肉就切得比較厚身，所以燒烤既時間會花得比較長，建議可將雞肉放於一旁既慢燒
另外，小編與老公都試左唔同既一品料理：
泡菜煎餅：唔錯! 泡菜味都幾香，但如果可以多少少泡菜，甚至鋪響面既話會更好。但小編好欣賞佢地係即煎既，上枱個陣仲係好熱
他他牛肉：特別!可試! 他他牛肉本身利用可直接食用既牛肉，混合蛋黃，再配少少蔥及大蒜咁食。既可以食到牛肉原始既肉味，亦可以因為蛋黃關係而食到滑滑既牛肉
蛋包魚﹑蛋包蝦：唔錯! 蛋包既程度比想像中厚，所以當係蛋餅+魚/蝦既食感會比較貼切，但味道雖然無煎餅咁出色但都算唔錯
人參雞湯：唔錯! 高麗軒既人參雞湯以米水既湯底去煮，所以飲個陣一來會有綿綿既米粒，二來都會因為米粒而更帶出雞湯既香味
不斷既燒燒燒同食食食後，小編與老公都頂唔順喇! 連加一大約$300既價錢，雖然用餐時間只有1.5小時，但其實係絕對夠時間食；而同時店員都會不斷留意每枱既情況而收碟等等，都真係幾值得再去試既。 (小編因為坐響收銀附近，都不斷聽到店員處理訂位既申請，似乎都幾受歡迎呢!)
題外話/補充資料：
如果兩個人食驚每款菜式既份量過多而食唔哂既話，不妨響落單時剔選「半份」，咁樣食個陣就可以有更多選擇更滿足吧!
(以上食評乃用戶個人意見 , 並不代表OpenRice之觀點。)
張貼
