影片
更多
2017-09-26
14678 瀏覽
九重塔海鮮曾經係香港好HIT，係最HIT個個都去食的時候我地反而無去食，淨係食過單層逐款食物蒸的那種，今日突然醒起原來我地一直都無食過，上網一SEARCH就搵到呢間餐廳啦門口好有氣派，特別欣賞由外到門口用打燈形式造出的魚魚圖案，門口仲放有幾套韓式服裝，可以俾客人套上身影下相，小朋友著上身應該會好開心餐廳環境好寬敞，用餐環境好舒適傳統的韓國裝飾品，加上韓國餐具，一致性的體驗見到漏斗開頭我以為要自己計住蒸食物的時間，之後發現其實由頭到尾都店員幫手計時，根本唔洗自己擔心有多款不同價錢的套餐，可根據個人喜好同預算去揀，我地今晚揀左個中價套餐 - 首爾塔 ($398)餐廳建議大家海鮮最好唔點醬汁，原汁原味咁食，另外大家記得建議烹煮時間其實唔需要太緊張，最緊要係食得自在開心食物黎之前可以食住前菜先，食完仲可以無限添加，添加的時候先發現原來唔只4款小食的，大家記得唔好怕醜試多幾款啦我地另外加左$50轉人參雞湯，2-3人會有半隻雞，先將生米、雞、人參、花蛤放係鍋底，用無水煮的形式，淨係靠上面的海鮮同其他食材滴出的精華去煮，令人十分期待海鮮塔一上檯好有氣勢，一開始有支溫度計，到某個溫度就可以食得，其實由
門口好有氣派，特別欣賞由外到門口用打燈形式造出的魚魚圖案，門口仲放有幾套韓式服裝，可以俾客人套上身影下相，小朋友著上身應該會好開心
餐廳環境好寬敞，用餐環境好舒適
傳統的韓國裝飾品，加上韓國餐具，一致性的體驗
見到漏斗開頭我以為要自己計住蒸食物的時間，之後發現其實由頭到尾都店員幫手計時，根本唔洗自己擔心
有多款不同價錢的套餐，可根據個人喜好同預算去揀，我地今晚揀左個中價套餐 - 首爾塔 ($398)
餐廳建議大家海鮮最好唔點醬汁，原汁原味咁食，另外大家記得建議烹煮時間其實唔需要太緊張，最緊要係食得自在開心
食物黎之前可以食住前菜先，食完仲可以無限添加，添加的時候先發現原來唔只4款小食的，大家記得唔好怕醜試多幾款啦
我地另外加左$50轉人參雞湯，2-3人會有半隻雞，先將生米、雞、人參、花蛤放係鍋底，用無水煮的形式，淨係靠上面的海鮮同其他食材滴出的精華去煮，令人十分期待
海鮮塔一上檯好有氣勢，一開始有支溫度計，到某個溫度就可以食得，其實由頭到尾都唔洗自己留意的，店員會好細心咁幫你睇住，食得就會埋黎幫你開蓋，而見你食得差不多，又會幫你收起一層，一層一層食落去
每層一打開都好似問寶箱咁，層層驚喜，頭幾層有不同的貝類，有元貝、刀貝、象拔蚌、北寄貝，全部新鮮厚肉，如果唔飲貝類入面D湯的話，記得將D精華倒落底唔好浪費喔特別欣賞每層除左海鮮，仲配有蔬菜、菇類同丸類，唔洗淨係食海鮮，有其他食物可以配搭一下
沙巴花蟹D膏多到爆晒出黎，橙黃色的膏口感比較實淨，蟹蓋滿滿的蟹膏令人食得好滿足
寶物尋歸底，珍貴的鮑魚出場了，鮑魚好彈牙，由於係原隻蒸，大家記得唔好食埋鮑魚的內臟喔
終於食到最底層了，店員會先將雞入面的糯米分到我地碗上，再將雞拆肉，粥底吸收晒頭先所有海鮮的精華，再加上雞、人參、花蛤一齊煮，鮮味非常，由於份量都唔少，大家食唔晒記得唔好浪費食物，可以帶走的喔
張貼
