上海飯店 (已結業)

同老公經過美孚，上開飯網搵到呢間上海食店，如果唔係專登搵，又或者係街坊，其實都幾難搵到，嚟到門口見到招牌已經變成「新上海飯店」，（這個希望開飯網要更新有關資料）有一刻懷疑，但見閒日時間仍然爆場，相信質素有一定嘅水準。入到去因爲太多人，所以要搭檯坐。嚟到上海飯店梗要嗌返幾個例牌餸啦！叫咗5樣嘢食，有小籠湯包、煎鍋貼、酸辣湯、XO醬河蝦炒飯同埋蝦醬鮮仲尤炒通菜。仲以為食唔哂，但係實在太好味，所以全部比我哋清哂好耐未試過呢種上海菜嘅味道，偷看到隔離檯食客嘅高力豆沙....餡料都好澎湃，下次會試吓！