大川滬 (已結業)

今日想食上海菜，住附近的朋友即刻推介大川滬。餐廳老闆好熱情，介紹好多推介菜，可惜得兩個人，只係order左幾款，下次親戚約食飯可以一圍咁過黎再試更多不同款。回窩豬手回窩肉食得多 豬手就真係第一次，仲環原隻豬手煮完上到客人前再切開豬手肉，能保持肉質嫩滑。味道唔太濃，豬手又香味，正！膽膽麵湯底酸酸辣辣，仲有好多肉醬&花生醬，好味。麵條特別讚，軟硬適中，口感好正。花雕醉雞花雕酒味香醇，雞肉入哂味，開胃小菜小籠包包皮簿之餘有靭度，好多湯在餡料內，要咬一小口飲湯包，好味！橙花玉露 桂花荔枝蘆薈凍兩款甜品係老闆特別贈送，橙花玉露好清甜，有橙皮絲，又有粒粒橙肉，第一次令我食完再想食的感覺。桂花凍，有點蜜糖清甜，加上粒粒蘆薈。