大川滬

上海小館 家庭式風味 小籠包 肉絲兩麵黃 蜜汁火方小籠包一客4件  咬開要小心肉汁噴出黎 配埋薑醋一齊食 口感juicy 皮薄肉鮮味即係肉絲炒麵 個麵好脆卜卜 配埋肉絲芽菜湯羹一齊食 麵脆帶點濕潤感 常見既食法金華火腿夠咸香 加上冰糖水 蜜糖一齊食 口感甜鹹 色澤棗紅 夾埋蒸包一齊食味道更豐富!消費$300評分8/10Shop B Wui Chuen Building, 21-25 Pak Tai Street, To Kwa Wan…查看更多

經過門口看到寫著七月尾結業，才知道土瓜灣原來有上海菜餐廳。餐廳很大間，裏面的餐枱為數不少，坐得相當舒服。下午可以選擇午市套餐，包了例湯和白飯。例湯竟然無味精味，喝完不口渴，而且味道濃郁，不錯。這碟熱騰騰出菜，香到不行，而且魚塊很嫩滑，配飯一流，連隔離客人也問我們這碟是什麼。嫩雞煨麵比較不推，麵身軟到快爛掉，斷到不行。雞粒是原隻雞切塊，有骨頭的😅晚市會收茶芥，可惜7月底就結業了，不然真的會常來吃小菜。…查看更多

食到一肚氣！同家人一行4人去食lunch。先唔講味道，服務真係呢...話說黎左個常餐同擔擔麵之後，雲吞面同小籠包過左半個鐘都未上，懷疑係漏左單，咁就催催啦，同侍應講聲，佢地哦完一句就無回事。再等多10分鐘都仲係未有，加上我地都趕時間要走人，就同侍應講想取消個兩樣野，因為趕時間走。竟然！唔俾你取消，仲同你講小籠包同雲吞要蒸係要啲時間（佢話要廿分鐘），態度係好差！但我等足40分鐘，可能粒小籠包由我落單就要由揀豬肉開始啦。咁我地就有小小燥，加上冷氣十分不足，成餐啲汗無停過咁出，火上加火。同個侍應黑面講我趕時間，個侍應都只係咁話要時間唔取消得。叫我地再等，中途佢行左去廚房。結果5分鐘後就拎左碗面同小籠包出黎，根本就係漏單！（因為中途我見到佢地不停出餐，遲過我地入黎既左右枱野食都黎齊）再講味道，簡直不值一談，小籠包皮厚，擔擔面水流流，雲吞麵個湯底水黎。價錢又貴！真係無下次！！…查看更多

一家六口嚟晚飯， 食物質素很好， 蕎麥茶香濃好味，小籠包皮薄餡靚多汁有味， 雲吞也不錯， 擔擔麵大碗夾抵食， 檸檬薏米水有驚喜的表現， 砂鍋雲吞雞湯甜雞滑， 服務態度也滿意。總評分80分， 滿意…查看更多

#Fat99eat土瓜灣💛好好彩地Fat9今次去唔洗排隊就可以即刻有位🤪因為佢夜晚都總係人山人海 勁多人排隊食難得今日唔知係咩日子 竟然唔洗排隊 lucky😳!入到去啲座位好闊 空間感都幾大 冷氣稍微有啲凍 怕凍既朋友仔記住帶件風褸🤭同埋有養狗狗既朋友仔都可以黎食喎佢出面有位可以坐 可以帶埋狗狗一齊黎食🐶呢間食物質素不得了 去開或者住附近既朋友記得記得 要去試下呢間上海菜 真心推介❤️﹊﹊﹊﹊﹊﹊﹊﹊﹊﹊﹊﹊☞ 擔擔麵 68$好重花生味既一碗擔擔麵 真係色香味俱全😺👍🏻首先佢啲麵唔會煮到一patpat每條麵都好爽口🥰再加埋佢濃郁既花生味真係一流😋上檯聞到香噴噴 食落口亦都好重味👏🏻﹊﹊﹊﹊﹊﹊﹊﹊﹊﹊﹊﹊✎ 排骨菜飯 78$塊排骨勁大塊 份量好足😻睇落塊炸粉好似好厚咁 但唔好比佢個樣呃左 係一啲都唔好 炸到岩岩好😽而且肉質都好juicy唔會乾爭爭 唔錯🥳!!佢個菜飯都幾多菜下 食下菜飯幾好 唔洗剩係食白飯咁悶 加左菜又健康啲 啲飯有啲油又香口啲🤩﹊﹊﹊﹊﹊﹊﹊﹊﹊﹊﹊﹊☞ 口水雞 78$麻香味係夠 但略嫌唔夠辣 Fat9認為可以再辣啲 呢個純粹係Fat9個人口味😹但佢啲雞都好出色 肉質鮮味 唔會得啲雞骨比小小肉你咁😼﹊﹊﹊﹊﹊﹊﹊﹊﹊﹊﹊﹊✎ 黃金蝦球 168$我想講呢個小菜係必嗌 一定要試 唔試你後悔🥴!佢係真係舊蝦夠大舊所以叫蝦球 唔係出面沾啲炸粉整到佢變大舊叫蝦球🤤而且食落口啲肉係爽口架 係新鮮既味道 冇雪藏味😚Fat9覺得最痴線既係佢啲鹹蛋係多到真係起沙 出面邊會咁足料 整到起沙比你啊大佬🥲所以呢個黃金蝦球真係出色到痴左線 記住 一定要試🥺!!!!﹊﹊﹊﹊﹊﹊﹊﹊﹊﹊﹊﹊☞ 上海小籠包 45$正常食上海野都會叫小籠包架喇 所以Fat9都點左黎食😺皮唔會搓得好厚 熱辣辣上檯 啲汁亦都好juicy😋由於佢個皮搓得出色唔厚 所以夾個時小心啲整穿左啲汁漏哂出黎就冇哂啲精華架喇🤣﹊﹊﹊﹊﹊﹊﹊﹊﹊﹊﹊﹊✎ 豆沙窩餅 45$即叫即整熱辣辣既豆沙鍋餅真係好好食😻啲紅豆夠哂香口 但又唔會話死甜 佢夾埋個餅皮平衡番個甜味 簡直係perfect match😍❤️﹊﹊﹊﹊﹊﹊﹊﹊﹊﹊﹊﹊↬味道: ☻ ☻ ☻ ☻ ☻/5↬服務: ☻ ☻ ☻ ☻ ☻/5↬環境: ☻ ☻ ☻ ☻ ☻/5…查看更多

早陣子同屋企人晌「南小館」食咗餐上海菜，不過不失咁啦，今日嚟到土瓜灣趴趴走，同樣又喺食上海菜，非集團餐廳，而喺屬街坊小店，店名叫「大川滬」，一睇就知主打上海菜同四川菜啦。推門而入，估唔到都幾多人，結果被安排坐到最後排，都幾好，相對少啲人行嚟行去。食食吓，有個人向小弟打招呼，原來喺舊同學，佢又喺同老婆食晏，佢話呢間鋪前身喺茶記，咁又睇唔出喎。不過，餐牌除咗有滬菜、川菜，又確喺有啲茶記嘢。 兩大張主餐牌，由涼拌、小菜、湯品、飯麵、點心及甜品，都睇到唔少眼熟嘅川滬菜式。有啲心水菜式，老婆又想試吓，所以，散點又叫啲。 就算周末、周日，一樣有啲午市客飯套餐，都喺60、70蚊，包老火湯、白飯、餐飲，可以+$8改豆漿，+$12改紅豆冰或特飲。所以，我哋亦點一套客飯，用嚟墊肚。上文都提及過餐廳提供少少港式嘢，相信依家啲生意都較難做，梗喺盡量多元化啲，等一枱客人有多啲選擇，亦幫補做多少少生意。 上海小籠包 $45嚟到上海鋪，嗌小籠包就最睇到師傅做點心嘅功力去到邊。單睇賣相唔錯，摺紋清晰，咬一小口，湯汁湧流，卻唔會太熨口，再望望，皮薄而咬落食到好有韌性，所以，夾起都唔會咁易穿底，而肉餡亦都好鬆化，肉汁飽滿，真喺好得。 油炆小竹筍 $55兩款小食都喺老婆嘅欽點，先喺碟小竹筍。雖然叫油炆，但唔會食到「油淋淋」，啲竹筍口感爽爽哋，味道頗為惹味。 香煎素鵝 $58素鵝當然試過唔少，但今次真喺有啲驚喜，素鵝中間捲住啲野菌，所以，有陣陣菌香。而素鵝本身炸得甘香，入口香脆不膩，好食。 老火湯（客飯套餐）是日喺老黃瓜青紅蘿蔔粟米素湯，果然夠火候，飲落味道清，但唔會覺得寡。店主好好人，俾夠兩碗我哋，喺啲小店先咁足人情味，大鋪或連鎖店就大多按本子辦事。口水雞（客飯） $70初頭都諗緊要蔥油雞好，定口水雞好，但店主話佢哋嘅口水雞唔會太辣，但就好惹味，所以，就點咗後者。雖然，送到嚟一片火辣辣嘅血紅，但又真喺唔喺好辣咋喎，帶微微嘅麻，而且，香味好有層次，喜歡辣嘅朋友亦可要求加辣。啲雞又點呢？雞肉好鮮，肉質緊緻細滑，皮下脂肪少，就連伴碟嘅炸花生都寧舍脆口。 豆漿 +$8本來想飲杯奶茶，但老婆想飲豆漿，投其所好，而且，仲可以揀熱嘅。豆漿果然喺自家製，因為飲得出豆味好濃郁，少甜更合佢心意。 桃膠紅棗燉雪蓮 $58食完兩公婆都仲有少少位，一於點多一客甜品共享，等餐飯有個完美結束。揀燉雪蓮，皆因未試過，更由店主親自奉上，並解釋佢哋用上靚嘅桃膠同雪蓮，而且，以石蜂糖入饌，非一般冰糖、片糖，更加養生、有療效。細味一下，個燉雪蓮好清潤，帶有濃濃棗香，桃膠已煮至融入糖水中，老婆話非常治癒。 晌呢區走咗一圈，真喺變化咗好多，遲啲年尾屯馬線通晒，有埋「土瓜灣站」、「宋皇臺站」，而小弟本身就住近西鐵線，第時過嚟一程過，超方便。…查看更多

印象中從沒來過北帝街搵食，其實嚟土瓜灣也少之又少。這晚就應友人邀約，嚟北帝街呢間主打川滬菜嘅食肆吃頓新春開年飯。餐廳嘅門面幾有格調，以啡木色系為主，裝修簡約樸實，門外設有三檯戶外座位。至於店內環境亦不俗，設計以紅色和黑色為主調，地方寬敞四正，完全沒有侷促感。聽服務員講，餐廳另設有廳房，可用作生日派對或家庭聚餐等私人宴會。我哋點左上海小籠包、醃篤鮮、兩個小菜、肉絲兩面黃同兩款甜品。上海小籠包 ($45)  賣相唔錯，外皮薄而不破，每一隻都玲瓏剔透，入面嘅肉餡相當飽滿，咬開更是汁濃肉香，有驚喜。醃篤鮮 ($48)  嘅湯頭非常鮮美，集鹹肉與鮮豬肉的精華，加上爽脆清香的竹筍、百葉結、冬菇、小棠菜等，多種風味共冶一盅，入口鹹香味鮮。小菜揀左原條糖醋魚 ($208)  同 黃金蝦球，糖醋魚選用了原條鱸魚製作，魚身炸得很香口，脆而不老，魚肉雪白嫩滑，美味非常。配料有菠蘿、椰果、青椒、松子仁等，色彩繽紛，再加埋個酸酸甜甜嘅糖醋汁，份外惹味，令人胃口大增。一向對鹹蛋黃嘅菜式都特別鍾情，呢碟黃金蝦球 ($168)  當然亦唔例外。蝦球好新鮮，大隻又飽滿，爽脆彈牙，入口帶鹹蛋黃香氣，食完隔左一陣口腔仍然有陣鹹香回甘嘅感覺，好惹味。肉絲兩面黃 ($80)  味道亦十分討好，麵條炸得頗有水準，做到外面脆、中間帶點軟身，入口不油不膩。芡汁調校得恰到好處，肉絲軟熟又唔嚡口，加上冬菇絲、芽菜、韭黃等一起吃，倍添滋味。甜品點左高力豆沙 ($58) 同 薑茶湯丸，高力豆沙即點即炸，外皮微脆，蛋白鬆軟有彈性。入面嘅豆沙，甜而不膩。適逢這晚係元宵，當然要吃碗薑茶湯丸 ($35)  應下節。湯丸大大粒、外皮夠透薄又夠煙韌，最正就入面嘅芝麻餡有流心效果，咬下去時感覺非常澎湃，加上薑茶辣勁十足，為這頓晚飯完美作結！…查看更多

其實土瓜灣係我從小生活的地方，記憶所及，真係好多好好味既食肆，而且仲要係細店，雖然家陣就快有地鐵，好多舊舖都消失，但走在街上，仍然感覺到舊區的獨有氣味。以前係天光道返學，放 lunch 好多時都會係北帝街出沒，尤其是當年有間珠江戲院，無錢睇戲就會打書釘望下「戲軌」。今次跟朋友在附近逛逛，肚子餓了自然要醫肚。大川滬主打上海菜色，作為一位老街坊，難免勾起對「貴記」的迷思。當年「貴記」真是平通港九，屈指一算，自少10年前的事了。好彩土瓜灣都有不少上海小店，多數以麵食為主，想食好少少，大川滬都是一個不錯的選擇。滬式下午茶有不同配搭，價錢由$42至$48不等。酸辣湯粗酸辣湯勁度不強，上海粗麵底掛上了酸辣汁好啱自己口味，麵條粗身嚼口會更強。另外，套餐可以配小籠包（兩隻）/ 紅油炒手（三隻）/ 蒸素餃（兩隻）由於單點了小籠包，就轉而點了紅油炒手。醬汁是大廚自家調製，辣度又是BB版，可能是遷就附近顧客的關係，好幾款菜色都不太辣。本身有飲品，但加錢另點了豆漿，甜度輕盈，正好。海蜇拼餚肉（$75）海蜇加入少許甘筍絲及蘿蔔絲，令爽脆的口感更有層次，餚肉略為結實，但肉味幾鮮。雲吞雞湯（$128）雖然是倒牌，但足夠兩個人分享，雞湯底好鮮甜濃稠，喝完亦不覺口乾，湯底加入金華火腿，多了一朕咸香，雲吞正常，個人偏好多少少黃芽白，尤其是煮至軟稔入味就更可口。乾扁四季豆（$72）個人喜歡炒得更乾身，猶幸碟底不會太多汁，四季豆幾軟身及入味，好啱拌飯。上海小籠包（四隻）（$42）包皮薄而柔韌，夾起來亦不易破穿，肉汁豐盈，食落感覺好鮮，有水準之作。高力豆沙（四隻）（$58）即叫即製，炸得色澤金黃，灑上少許糖霜令賣相更佳，豆沙餡料甜而不膩，不錯。酒釀丸子（$35）口感QQ，淡淡的酒香很討好，難得的是毫無酸味，我鍾意。最衰有限聚令，否則幾個朋友一齊share會化算得多，希望能支撐到疫情過去吧！ …查看更多

想食個tea, 呢度都多選擇，同埋有幾張outdoor枱，幾好。 叫左個西多士+紅豆冰set-紅豆冰：豆夠淋，有甜味，但唔會太甜，啱啱好，豆既份量都幾多下-西多士：新鮮炸出黎，好厚，切開入面有厚厚既花生醬，仲係有花生粒嗰種，好正呢度其實都多唔同種類既野食，下次試下正餐先。服務：個店長(定老闆?)都幾熱心，見我睇緊menu就請我坐底，再拎份menu俾我睇，要叫野食時都好快行出黎，抵讚！d姐姐上菜都幾好禮貌。 入面電視係播緊NOW.💛💛💛衛生：探熱個野喺室內，坐室外就冇要求要探熱。 餐具係一籃咁既，上野食時先拎出黎，仲有塊毛巾包住，但就有機會俾人摷過晒d餐具…查看更多

仍是太座生日的月份，一有機會便找藉口在外用膳，免卻洗和煮的煩惱，在這區探完小姨，順道吃頓晚餐才回家。太座喜歡吃粵菜以外的菜式，我選了這家川滬菜食肆和她撐檯腳，也許過了晚飯黃金時間，客人已陸續離座，有卡座可與鄰檯分隔，令人食得安心。看餐牌，種類繁多，豐儉由人，慶祝生日，客飯還是先擱置，天氣稍寒，先喝個熱湯，太座愛吃酸辣湯，我卻敬而遠之，另選了醃篤鮮。酸辣湯有冬菇絲，筍絲，肉絲，蝦仁等，她愛湯羹夠酸，微辣，她喝得不亦樂乎！我的醃篤鮮熱騰騰的，湯色奶白，材料有我喜愛的百葉結，冬筍，冬菇和醃肉，鹹香有致，喝後渾身暖和。侍應極力介紹了風沙雞，我們喜愛吃雞，一試又何妨？點了半隻風沙雞，在香脆的雞皮上，堆滿了像金沙般的香蒜粒，入口極惹味，而雞肉仍保存濕潤，雞肉嫩滑，是相當有水準的一道菜。到京滬館子，最愛點小黃魚，而今次想吃原條糖醋魚，以原條鱸魚炸香，澆以糖醋汁，酸酸甜甜的味道，與香脆的鱸魚非常合襯，還吃到松子仁，魚肉雪白新鮮，味道一級棒！上海小籠包是百吃不厭之物，真的能做到皮薄餡靚，「坐著似口鐘，挾起像燈籠」，師傅手藝應記一功，火熱的餡汁還差點燙熟我的舌頭。生日要吃麵條，加碗五香牛蹍麵與太座分吃，牛蹍滷得十分入味，切成薄片，口感細膩，清湯白麵，簡單可口，飽足滿足！本想來個豆沙鍋餅，太座說已無胃納，說好下次探小姨後才來。…查看更多

果斷英明，愛民如子的香港政府再次收緊防疫措施，再次不准食肆在晚上六時後供應堂食前的一晚，兩夫妻來到這間友人介紹，在區內已經開業兩年的中菜館子，吃了一頓晚餐。館子地方不小，但也許是時候太早，我早在晚上六時左右便來到的關係吧，客人卻是不多，生意看來不大好。也是的，疫情本已令部分香港人減少晚上外出吃飯，二人限聚亦令食店的生意大受影響，這晚過後，晚上六時後便要禁止堂食相信必定會令生意雪上加霜。一向愛喝湯，見這兒的「醃篤鮮」和「酸辣湯」除了大窩之外，還有小盅，便點來「醃篤鮮」（$48/盅）和「酸辣湯」（$45/盅），兩夫妻一人一盅。兩盅湯都不錯，「醃篤鮮」真材實料，味道適中；「酸辣湯」酸辣度平衡得好，既不死鹹，也不太辣，都好喝。吃上海菜哪能不吃小籠包？這兒一籠四隻的「上海小籠包」（$42），皮頗薄，包內的湯汁也不少， 是水準以上的小籠包。「蜜汁火方」（$108）是太太十分喜歡的菜式，這兒竟有得吃，當然點來一試。也誽的蜜汁火方賣相齊齊整整的，把金華火腿和腐皮、蓮子、青瓜等配料放進饅頭中吃，桂花糖的甜味與金華火腿的鹹鮮味混為一起，腐皮的脆與蓮子的腍相輔相成，的確是一道討人歡喜的涼菜小食。不過「上海排骨粗炒」（$88）就令人有點失望，上海麵的味道是沒有問題的，也不太油，但已切件的排骨卻是膏多肉少，而且過於軟腍，早知道我便只點「上海粗炒」（$78）好了。「原條糖醋魚」（$198）也只是好壞參半，這賣相吸引的菜式味道是好的，偏稠身的糖醋汁酸甜開胃，但魚炸得過了火，魚肉偏硬，就仍有改善空間。二零二零年最後一次的堂食晚餐相信便是這一餐了，到了二零二一年，香港是否會有新的氣象，變得好了，還是更差，我不知道，也不敢想像，唯有咬緊牙關，與眾多受苦受難的香港小市民一起面對時艱，奮鬥前行。…查看更多

友人推介的食肆，大約晚上8時到來，依然座無虛席，等了約15分鐘才開始有客結賬，以今時今日的氣候及該處的位置，認真算係咁啦；同一時間，附近的食肆仍有吉位呢。這是飯畢後才拍的照片，來的時候，室外也是滿座的，區內住客養寵物的比例很高，所以這一片戶外空間也很受歡迎的。候位期間，先研究一下餐牌。這款蕎麥胚芽茶，又確係幾好飲喎，它以帶胚芽的蕎麥炒製而成，純麥香味並略帶焦糖香，聽說有開胃健脾及消除胃脹等功效。香煎素鵝～腐皮裹著冬菇片以慢火煎至香酥，惹味！蜜汁火方～這是一味傳統的蘇杭美食、以鹹香厚重的金華火腿作為主料，配上蓮子、青瓜、桂花糖漿及腐皮，配饅頭同吃，鹹香、清甜、酥脆、鬆化共冶一爐，口感豐富。上海小籠包～個人較喜歡簡簡單單的純鮮肉小籠包；這家的皮薄湯多，肉鮮嫩滑；夾起來亦不易破爛，真係唔錯。椒鹽排骨～另一香口之物，肉厚而油脂較多、淨食稍為過鹹，送飯應該會更好。賽螃蟹～蛋白嫩滑，質感輕柔，看似簡單；實在是考廚師對火喉的拿捏度，加入魚肉作點綴，豐富口感。鹹菜津白油豆腐～雞湯底；配料有咸菜、咸肉、豆腐、津白、豆卜、小棠菜等；咸香鮮甜；雖然這窩是四人份量，但太好味，不經不覺就被我倆KO了。薑茶丸子～天氣轉涼，一碗薑茶；暖胃又暖身；薑係老的辣，有效促進血液循環，增強抗寒能力，而糯米做成的小丸子，軟糯煙韌；有些女性手腳容易冰凍，間中來一碗，驅寒暖宮、相當有益。臨走時，遇見剛運動回來的老闆，問我們對食物的意見之餘；亦介紹了幾款這兒的名物如：酸辣湯、回鍋肉、風沙雞、香辣雞煲、即磨咖啡、魚柳包、豬扒包、澳門豬扒包...等等；看來要再擇日重賽了！大川滬地址: 土瓜灣北帝街21-25號匯川大廈地下B-J舖電話: 27133343…查看更多

喺香港食中國菜系要好食已經難，仲要係💛嘅就更難！估唔到喺土瓜灣竟然有間唔錯嘅上海菜！餐牌上有好多未見過嘅菜式，真係好多都好想試！經過一番掙扎後決定試下樟茶鴨，以前慈禧太后好鍾意食鴨，就有大廚用樟樹葉同茶葉煙熏鴨成依道料理。食落其實又幾似西方嘅煙鴨胸，不過感覺比較乾身同埋外皮係炸過所以會更香脆。隨碟仲會附上甜醬同白包，鴨嘅鹹香配上甜醬中和都別有一番風味。類似饅頭嘅包就可以同鴨一齊食，但就咁食都絕不失禮，非常香甜有彈性不知不覺就清哂！而佢哋嘅小籠包就偏細粒，不過皮真係夠薄而且唔易穿，咬開肉餡多汁噴到周圍都係，高汁！鹹菜津白油豆腐味道其實同平時嘅上湯津白好似，而且係意想不到咁大兜，應該係四至五人份量添！入面有煮到好淋嘅津白、不太鹹嘅鹹菜、吸哂汁嘅油豆腐同粉絲，最重要係飲哂成煲湯都唔會口渴，相信係無味精全靠鹹菜提味！食完咁多嘢其實都飽，不過最尾都係想食埋個甜品收尾。即炸嘅高力豆沙一上枱已經聞到超香蛋白味，加上入面唔會過甜嘅超軟豆沙很不錯，豆沙再多一點就更好啦！最後值得一提係佢哋嘅蕎麥胚芽茶非常解膩，店員阿姐阿哥不時主動加茶真係一杯接一杯無停！必定會再encore大川滬！…查看更多

對北帝街的回憶, 其中一部份, 是中學時期, 間中會從學校走來這邊. 那是昔日的故事, 有發生過的, 只是, 時間人物已成歷史. 第二部份, 就是在這裡工作的一個項目. 來到今天, 人繼續往前, 來到北帝街, 是來到大川滬.來土瓜灣晚餐, 對我們來說, 也算便利, 搭小巴就能夠直達. 大川滬是典型的街坊小店, 看著電視, 吃著晚餐, 就是那種情懷.2人套餐 $328: 8分, 這晚選來的是2人套餐, $328連茶位, 陣容是挺豐富的. 湯羹一人一客, 就選來老火湯, 以及粟米魚肚羹. 老火湯是老黃瓜青紅蘿蔔, 有火候的, 而粟米魚肚羹當然是我的心頭好, 由小吃到大, 那時, 只喜歡粟米的部份, 現在才懂得魚肚的美.點心三選一, 就選來小籠包, 一客四隻. 皮是幾薄的, 夾起不會穿底, 湯汁是相當豐盈, 肉餡亦挺鮮的, 是有功架的小籠包.主菜二選一, 不吃辣了, 就來客鐵板蔥爆牛肉, 還連白飯兩碗. 用鐵板上, 熱辣辣, 但牛肉不會過老, 肉質不俗, 是送飯的好選擇.有肉, 也有菜, 就選來清炒西蘭花, 份量十足, 愛吃菜的我, 當然滿足. 常在外吃飯, 菜, 吃得少, 這晚, 一於吃個夠.是日甜品是杞子桂花糕, 飯後來點小甜, 也當是小點心吧.大川滬這個$328的2人套餐, 包括湯羹, 點心, 主菜, 時蔬, 以及甜品, 是很豐富的.…查看更多

呢排土瓜灣人人推撐黃店活動，基本上所有區內嘅黃店如果你想食外賣都要排到七彩。 呢個星期日晚，諗住外賣簡單少少，點知煩到要命。 見到日昇嗰條龍，真係人都癲。 雖然外賣次數無以前較多，但係屋企附近外帶，有時都真係排到七彩。 試過兩次的水準，穩定而且價錢合理，都冇乜理乜嘢情況唔使排隊就買咗外賣先。 呢度主要係食客飯為主，而且都有好多上海巧手前菜或基本嘅上海菜提供，堂食食過兩次都冇乜伏味 （你知道有時北帝街都可以非常之伏）。 先點紅油抄手，最愛佢嘅蒜味非常之香濃，而且紅油夠辣，一客都有成六七隻，隻隻飽滿有力。 爸爸選的鹽水鴨，幾精彩，吃完想到台灣的鹽水雞，有異曲同工之妙，然後就想，到底可以幾時先去到台灣。 不過有幾舊吃到有點羶味，可能近屁股位置吧，總體味道都不錯。 蒜泥白肉正常水準，個蒜泥香到全屋都聞到。 香煎素鵝和花雕醉雞，都係媽媽讚到不行，兩樣都係送酒良品。 聽講咸肉炒菜飯係非常不錯，炒得非常有鑊氣，粒粒靚。 傳統的上海粗炒都會係好油好膩好肥，但呢度卻做得不錯，不會太肥太死鹹。 酸辣湯和我最愛的麥記小食，同樣夠酸夠辣夠開胃，怪的就是價錢太過高。 老闆好好傾，送埋甜品俾我，豆沙鍋餅，傳統的上海野，呢個如果即食會好少少，個皮凍就自然差少少。 食咁多都每人百幾，咁嘅價錢，完全係平靚正，就算再外賣多排，都絕對可以再幫襯。 大川滬 土瓜灣北帝街21-25號匯川大廈地下B-J舖…查看更多