Outdark (飛達商業中心)

營業中

休息中

聽朋友講呢間韓國餐廳又正宗、Cp值高，今日放假專特嚟試下。上到二樓，見到一隻好大嘅熊放係招牌前面。餐廳門口有一大幅心鎖牆，同埋有個郵筒可以寄信俾未來嘅自己，入到去更加浪漫，有好多星星吊燈，氣氛十足。🥰我地兩個人叫咗海鮮炒年糕、海鮮煎餅同埋兩杯梳打，超級飽！😋海鮮炒年糕🍲嚟到嘅時候有一隻好大隻嘅炸魷魚，店員會剪開一嚿嚿，之後先會開火。海鮮當然唔止一隻大炸魷魚，仲有蜆、魚糕、蝦、年糕，鍋嘅側邊仲有芝士、菠蘿、紫菜飯、泡菜，非常豐富。炸魷魚非常好食，加埋韓國醬汁同埋拉絲芝士，甜甜地又夠辣，炸衣非常薄，而且好脆，就算食到最後都係可以keep到脆脆地。海鮮煎餅🍤超大份！呢個海鮮煎餅比較厚，但絕對唔係粉多，而係有好多嘅餡料，有蝦、魷魚、青椒紅椒絲等等，煎得非常脆口，而且唔會油膩，加埋韓國醬汁口味更加好食！Mango Ade (non-alcohol)🍹甜甜地嘅梳打，而且有啲芒果茸，冰冰涼涼，配辣海鮮鍋又可以解辣。Mojito Ade (non-alcohol)🍹可以見到杯入面放咗好多薄荷葉，感覺非常清新，如果你係薄荷愛好者，絕對會鍾意呢一杯。