一豚豬手專門店 (已結業)

今晚親戚上黎屋企食飯，落街買外賣加餸，舅媽中意食豬手，行經太安樓見到呢間一定要買，我揀左韓式滷水豬手同埋大阪燒脆腩。韓式滷水豬手好大盒，一打開香味撲鼻，食落外皮煙韌，肥瘦適中，肉質軟林，唔會鞋烚烚，味道唔會過咸。韓式滷水仲帶有少少甜味，平時嘅我唔食豬手都食左好多，好味。大阪燒脆腩呢個好邪惡，外面脆卜卜，一層脂肪一層肉，入口唔算油膩，加上泰式辣醬同芥末醬十分惹味香口。另外仲會有一豚井，唔洗叫哂全份都係一個唔錯選擇。