丼燃食堂

營業中

休息中

終於有機會食呢個比朋友瘋狂洗版既蟹蓋丼飯！！位於旺角既丼燃食堂由branding、裝修以至餐牌設計都落足心機，充滿玩味。唔單止影相打卡靚，食落口味道一啲都唔失禮，值得支持！🔸乜蟹都有丼差唔多枱枱都叫嘅打卡招牌，大大個蟹蓋放係面氣勢十足🦀入面有蟹柳、蟹肉、蟹膏、蟹籽同兩隻蟹鉗，將全部嘢撈埋一齊食無論鮮味定口感都豐富到不得了，真心推！！火爆丼可以自選醬汁：海膽醬/明太子醬/蜜糖芥辣醬/芝士蟹籽醬，推介海膽醬、微微鹹香唔會搶過蟹肉鮮味🤤🔸九公丼有八款刺身同壽司薑，包括海膽、三文魚、牡丹蝦、三文魚籽、蟹肉、帶子、拖羅蓉同埋今日時令魚左口魚。刺身新鮮份量唔少，足夠送晒成個飯，鍾意魚生既一定要試🔸金龍卷一上枱店員就將卷物周圍點火，燒足幾分鐘，完全襯返餐廳主題！金龍卷入面捲住炸番薯同青瓜，上面放左鰻魚天婦羅同蟹籽，唔同口感擺埋一齊都好夾！