影片
更多
2020-10-15
3510 瀏覽
年年黎到到呢個月份，一定會去返轉日本，可惜今年無望，魚生癮真係令人好難頂，朋友介紹尖沙咀呢間餐廳話可以帶返我去大阪黑門，急不及待捉埋老公一齊嚟試吓！一入餐廳係佢嘅裝修就已經好有日本feel，連poster吊飾都用円黎標價，感覺so good!呢度有唔少丼飯、刺身、燒物揀，仲有我最鍾意最鍾意嘅甲羅燒添啊，必點必點！再望下黑門三色丼 ，又係我最愛，一份唔該！吊咗咁耐癮，當然要點返啲刺身，點左真鯛、油金魚、同鮑魚！真鯛清鮮甜美，油甘魚肉柔嫩細滑，鮑魚片片薄切彈牙，款款都咁好食！甲羅燒同龍蝦海鮮湯由店員展示未煮嘅模樣，再入廚房幫客人處理，再拎出嚟嘅時候已經係香噴噴熱辣辣！餐廳特意配上餅乾，感覺上冇咁膩，但我都係鍾意一整羹放入口，感受濃厚蟹膏香味！黑門令龍蝦煮海鮮有肥嘟嘟嘅蠔肉，仲有彈牙嘅八爪魚，記得要配埋啖湯一齊食，極濃郁嘅龍蝦湯底，將海鮮味道帶上另一層次！黎得食日本野就要食到大滿足，就要多一份帆立貝伴魚子醬同大漁魚子醬脆脆包！帆立貝用紫菜包住，連同魚子醬一口送入口中！帶子散發著炙燒嘅香味，連同脆口嘅紫菜同矜貴嘅魚子醬食口感一流！魚子醬脆脆包呢個fusion菜夠特別，細細塊嘅脆脆包面，係大堆頭
一入餐廳係佢嘅裝修就已經好有日本feel，連poster吊飾都用円黎標價，感覺so good!呢度有唔少丼飯、刺身、燒物揀，仲有我最鍾意最鍾意嘅甲羅燒添啊，必點必點！再望下黑門三色丼 ，又係我最愛，一份唔該！
吊咗咁耐癮，當然要點返啲刺身，點左真鯛、油金魚、同鮑魚！真鯛清鮮甜美，油甘魚肉柔嫩細滑，鮑魚片片薄切彈牙，款款都咁好食！
甲羅燒同龍蝦海鮮湯由店員展示未煮嘅模樣，再入廚房幫客人處理，再拎出嚟嘅時候已經係香噴噴熱辣辣！餐廳特意配上餅乾，感覺上冇咁膩，但我都係鍾意一整羹放入口，感受濃厚蟹膏香味！
黑門令龍蝦煮海鮮有肥嘟嘟嘅蠔肉，仲有彈牙嘅八爪魚，記得要配埋啖湯一齊食，極濃郁嘅龍蝦湯底，將海鮮味道帶上另一層次！
黎得食日本野就要食到大滿足，就要多一份帆立貝伴魚子醬同大漁魚子醬脆脆包！帆立貝用紫菜包住，連同魚子醬一口送入口中！帶子散發著炙燒嘅香味，連同脆口嘅紫菜同矜貴嘅魚子醬食口感一流！魚子醬脆脆包呢個fusion菜夠特別，細細塊嘅脆脆包面，係大堆頭嘅刺身材料，有海老，吞拿魚茸，蟹子，仲有魚子醬，真係視覺味覺嘅大滿足！
最豐富最豐富嘅莫過於呢個黑門令三色丼，一邊抺上吞拿魚茸，一邊抹蟹肉蟹膏，中間堆滿咬開卜卜聲嘅魚子同埋鮮甜美味嘅海膽，真係好似入左去黑門市場，食到滿口刺身新鮮甜美嘅感覺！
張貼
