犇之食堂 (已結業)

又到止台灣癮嘅時間✨ 印象中呢度個滷肉飯係唔差的今次試埋滷肉乾拌麵，麵身寬闊易掛汁且富彈性，但始終都係滷肉飯略勝一籌，始終油香同白飯係最夾😌比起主食，其實呢度嘅小食更得我心，皮蛋豆腐已經預先幫你整碎攪勻，帶點稠密嘅醬汁更加香香酥豬扒食落好似多咗陣南乳香咁好惹味酥炸蝦餅更係最出色，少見地將蝦餅壓到好扁再夾上一層類似春卷嘅脆皮，要彈牙有彈牙，要香脆有香脆，超推薦✨唯一係嘢飲比較貴而且只可以單點，不過用嘅都係真材實料，冬瓜茶真係有勁大嚿冬瓜而且仲有啲薏米夠晒養生，黑糖珍珠奶都有燕麥同埋胚芽，確係幾有心思❤️