首首.韓式小館 (已結業)

Honey難得週三放半晝，同朋友食完個下午茶就走咗黎灣仔一邊行街街，一邊等XO仔收工。當佢行經利東街時，發現韓國餐廳「Bistro Seoul」都有歡樂時光優惠喎，即時好有共鳴地感覺到「Seoul」同「Soul」係同音字，故亦決意同靈魂伴侶在此一聚。樓底高高o既韓式小館並無花巧o既裝潢，暗淡o既燈光配上厚墊皮櫈排出o既卡位及合併式散座，大方得黎又不失潮味，氣氛輕鬆自在。XO仔鍾情泡泡，眼見歡樂時光酒牌上未有任何汽酒o既蹤影，單點意大利汽酒又只為$308一樽，唔洗多諗就叫咗樽同情人慢慢嘆。「Cheers！」兩口子因為買咗飛睇戲，準備食爆谷同熱狗，所以就簡單點咗兩款都含牛肉o既菜式黎分。點好餸，溫婉o既妹妹仔先為二人送上三小碟開胃醃菜小食。牛肉炒韓國粉絲（$98）：粉絲煙韌唔油膩，個人只係略嫌牛肉偏咗少少乾同嚡。烤半熟極品1++韓國西冷扒伴脆蒜片及芥末醬（$498）：三成熟o既韓牛肉香柔潤，牛肉面上呈金黃色o既蒜片亦香脆乾巧，點上芥末醬效果同時又甜又惹味，勁啱細佬口味。「Bistro Seoul」環境舒適，服務生態度良好，潮派韓菜簡單味佳，跟心靈互通o既靈魂伴侶於歡樂時光短聚，韓牛食落特別