韓牛牧場 (已結業)

餐廳：韓牛牧場地區：銅鑼灣地址：銅鑼灣登龍街28號永光中心3樓日期：23/8/2021時間：18:30人數：2人等位： 0 min價錢： ＄655.6由於太耐無食韓燒，之前朋友都有介紹過韓牛牧場，所次今次經過銅鑼灣就去試一試，而我哋就簡咗個世子牛盛120分鐘放題（$298/1位）。簡世子牛盛放題會送6色刺身拼盤、4海鮮燒烤拼盤、手作刺身韓牛壽司、韓國醬油蝦同埋法式羊架。刺身拼盤佢有三文魚、凡立貝、甘蝦、油金魚、北寄貝同埋八爪魚，三文魚同凡立貝食落都好鮮甜，其他刺身都幾唔錯，係放題水準之上，好難得食韓燒仲有埋刺身食，而且味道都好唔錯。海鮮方面，佢嘅蝦同青口都好正，好新鮮同肥美；再加佢大大份嘅法式羊架，香而唔騷，真係未開始食牛都幾滿足🤣到肉類方面，佢嘅安格斯牛肉眼扒（定量）超正，見到啲絞路就知🤩而其他比較好食嘅就有韓式梅花肉、韓式豬頸肉、雞膝雞軟骨同埋竟然有雞皮串呀！每款都好正，配埋韓式醬汁食落口真係好和味好豐富👍🏻另外佢仲有炸物、小炒同埋可以出去自助拎前菜小食、飲品同甜品等等，當中韓式炸餃子、蟹捧天婦羅、韓式炒粉絲都好值得一試！$298/1位依個價錢可以食到刺身、海鮮、燒同同韓式小食小炒