七福神和食亭

營業中

休息中

琴日收工同朋友約左係佐敦食飯！佐敦唔多日本菜，朋友話不如試下呢間！去到都已經好滿座，但好彩座位都算寬敞，店員幫我地安排好座位後就選擇食物啦！我地選左好多野食，因為價錢都唔算貴，所以見到想食都叫🤭我地2個人叫左一個蟹肉味噌甲羅燒，清酒煮蜆，豬軟骨拉麵，海膽壽司，特長三文魚壽司🍣，火炙帶子壽司，軟殻蟹飯卷，北寄貝同活赤貝刺身！最後仲加左個椰子🥥雪糕做甜品！🤤🤤😂蟹肉味噌甲羅燒整得好鮮味！ 入面好多蟹肉，熱呼呼的配埋飯團食一流！朋友話早知一人一個🤭清酒煮蜆個人就覺得略淡，蜆肉都幾多，但個人覺得加多的酒味會更正！豬軟骨拉麵🍜豬軟骨煮得又入味又夠淋!火炙帶子同海膽壽司🍣就正正常常，但特長三文魚就好肥美！🤤活赤貝刺身好好好正！大大隻又好爽口，食既時候仲有啖啖海水味！而且切得好靚呢！最後，我地叫左個生果雪芭做甜品，本身想食菠蘿味既，不過售罄，所以就叫左椰子，估唔到咁香椰子🥥味！🥥🥥🥥👍🏻食完咁豐富既一餐滿足晒！