丸十日本食堂 (已結業)

能夠係一般商場內搵到性價比高嘅日本居酒屋買少見少，呢度食物嘅選擇非常多，鐘意佢壽司、刺身、串燒、燒物、粉麵飯都有，而且飲品，酒類同甜品都好多選擇，適合一班人聚會或一家大細前來（當然要等疫症過後）。疫情嘅關係，下午3點剛剛做緊全餐牌7折優惠，非常抵食。蟹籽沙律一定要蟹柳同青瓜都切成幼絲，沙律醬一定要夠多，搭配好多好多嘅蟹籽，呢度能滿足我要求，味道清新，實屬日本菜的開胃之選。壽司味道絕對中上，價錢亦合理，特別欣賞炙燒左口魚邊壽司及炙燒三文魚腩，經過炙燒嘅加持，魚嘅肥美油香激發晒出黎，非常滿足。令我最意外嘅係呢度所有串燒同燒物都非常好味，油甘魚鮫及雞翼嘅表皮燒得非常香脆，但肉質仍然保持非常juicy，值得一讚！