影片
更多
2024-05-22
1634 瀏覽
知道天后新開咗間日式燒肉店... 即刻約埋鍾意食烤肉嘅老友一齊去食個dinner先!研究咗一陣menu... 發現呢度嘅食物都幾多元化... 除咗豬、牛、雞、海鮮... 仲有揚物、沙律、飯、麵、湯、燒烤甜品! 飲品方面有日本清酒、果酒、威士忌、手工啤酒... 唔飲酒嘅仲有特飲可以揀!見到有啲item幾特別... 其他地方比較少見... 即管叫嚟試下:🔸A5宮崎和牛稀有牛眼蓋 $299牛眼蓋油脂紋路分佈細密而且平均... 鮮甜得嚟肉味濃郁! 推介大家一定要試下呢個咁冷門嘅牛肉部位... 味道口感真係ichiban!👍🔸菠蘿配原條橫隔膜 $239個display幾得意... 將原條嘅橫隔膜插放喺挖空咗嘅菠蘿入面... 裏面嘅菠蘿跟碟上... 可以整燒菠蘿嚟食!橫隔膜都係屬於比較少有嘅部位... 因為一隻牛可以攞落嚟嘅橫隔膜唔多... 所以見到有都忍唔住要order下! 橫隔膜肉鮮嫩有彈性而且味道香濃!🔸蟹將軍薯仔沙律 $98呢個沙律嘅材料都幾豐富又好味... 有蟹籽、薯蓉、沙律菜、粟米片、粟米、甘筍、青瓜、流心蛋! 🔸荔枝五花肉 $88五花腩肉片捲住荔枝一齊燒... 出嚟嘅效果就係肉有
研究咗一陣menu... 發現呢度嘅食物都幾多元化... 除咗豬、牛、雞、海鮮... 仲有揚物、沙律、飯、麵、湯、燒烤甜品! 飲品方面有日本清酒、果酒、威士忌、手工啤酒... 唔飲酒嘅仲有特飲可以揀!
見到有啲item幾特別... 其他地方比較少見... 即管叫嚟試下:
🔸A5宮崎和牛稀有牛眼蓋 $299
牛眼蓋油脂紋路分佈細密而且平均... 鮮甜得嚟肉味濃郁! 推介大家一定要試下呢個咁冷門嘅牛肉部位... 味道口感真係ichiban!👍
🔸菠蘿配原條橫隔膜 $239
個display幾得意... 將原條嘅橫隔膜插放喺挖空咗嘅菠蘿入面... 裏面嘅菠蘿跟碟上... 可以整燒菠蘿嚟食!
橫隔膜都係屬於比較少有嘅部位... 因為一隻牛可以攞落嚟嘅橫隔膜唔多... 所以見到有都忍唔住要order下! 橫隔膜肉鮮嫩有彈性而且味道香濃!
🔸蟹將軍薯仔沙律 $98
呢個沙律嘅材料都幾豐富又好味... 有蟹籽、薯蓉、沙律菜、粟米片、粟米、甘筍、青瓜、流心蛋!
🔸荔枝五花肉 $88
五花腩肉片捲住荔枝一齊燒... 出嚟嘅效果就係肉有荔枝味... 荔枝又有肉味... 將本身油膩嘅肉變得清新咗!
🔸火龍果佛手柑熊茶 $68
呢杯特飲都幾呃like... 飲品上面有一隻雪凍咗嘅熊啤啤冰... 女士們見到一定會心心眼!😍 味道酸酸甜甜... 醒胃又易入口!
🔸百香果撞橙冰 $58
同樣係酸酸甜甜... 果味香濃... 清爽解渴!
張貼
