至尊滿屋日本料理 (已結業)

🤩款式多元化放題—兩大本書放係枱面，其實係Menu, 揭極都仲有，Menu 紙由A去到N,等我同朋友試下D菜式好唔好味先。👉刺身/壽司一上枱，我同朋友都笑左，係點嘅刺身唔多，只係點左鮑魚片、蟹棒、玉子、帶子刺身，刺身新鮮，但係個碗成隻船咁。法式芥末象拔蚌壽司有海水味。👉炭燒香蔥玉子燒係我個人十分推介，上碟溫度夠熱，層次感豐富。👉季節料理西京比目魚入味，燒得剛好。古品鮑汁燴花膠盛宴好少見放題會有花膠食，叫一份有四至五嚿花膠，鮑汁濃味。牛肉火鍋牛肉大概有五片，入面仲有金菇、娃娃菜、粉絲，粉絲好Q彈。👉紫貝天癸白桃梳打可以加蘆薈、芒果星鑽Q果、三色Q果，加左之後口感豐富。—