影片
更多
2011-07-19
34 瀏覽
之前響團購 (($168/位)) 買左呢度既 <<長腳蟹 dinner buffet>>** 每位到時要再 pay 原價 $298 既加一, 即係每位 $29.8 **一行 4 人呢日終於黎試啦~~~~~因為團購關係, 所以好鬼 full, 半個月前就 book 定位了!一入門口, 基本上可以話係一眼睇晒, buffet bar 唔大~我地安排坐左響 bar 枱隔離既一個角位, 自成一角唔錯 坐低之後就慢慢出去覓食, 嘿嘿!!呢度有個安排唔錯, 就係響某 D 食物方面, 為方便所有客戶, 每人每次只限拎 2 件...包括長蟹腳 同 鐵板燒, 可以唔使成堆人圍住之餘, 又唔會供不應求, 更加唔會浪費食物, 讚!以 hotel 黎講, 呢度既野食真係唔多, 數得出...一個細細既沙律吧有蔬菜, 有配料, 有沙律汁一個細細既飲品吧有橙汁, 有檸檬茶, 有奶茶, 有咖啡, 有中國茶, 有紅酒, 有白酒2 小邊冷盤吧凍蝦 / 翡翠螺 / 青口 / 長蟹腳 / 壽司 / 三文魚 / 油甘一個鐵板燒吧 (即叫即燒)羊架 / 蝦 / 腸腸 / 菠菜釀雞翼 / 鮮冬菇 /
** 每位到時要再 pay 原價 $298 既加一, 即係每位 $29.8 **
一行 4 人呢日終於黎試啦~~~~~
因為團購關係, 所以好鬼 full, 半個月前就 book 定位了!
一入門口, 基本上可以話係一眼睇晒, buffet bar 唔大~
我地安排坐左響 bar 枱隔離既一個角位, 自成一角唔錯
坐低之後就慢慢出去覓食, 嘿嘿!!
呢度有個安排唔錯, 就係響某 D 食物方面, 為方便所有客戶, 每人每次只限拎 2 件...
包括長蟹腳 同 鐵板燒, 可以唔使成堆人圍住之餘, 又唔會供不應求, 更加唔會浪費食物, 讚!
以 hotel 黎講, 呢度既野食真係唔多, 數得出...
一個細細既沙律吧
有蔬菜, 有配料, 有沙律汁
一個細細既飲品吧
有橙汁, 有檸檬茶, 有奶茶, 有咖啡, 有中國茶, 有紅酒, 有白酒
2 小邊冷盤吧
凍蝦 / 翡翠螺 / 青口 / 長蟹腳 / 壽司 / 三文魚 / 油甘
一個鐵板燒吧 (即叫即燒)
羊架 / 蝦 / 腸腸 / 菠菜釀雞翼 / 鮮冬菇 / 粟米...etc
一個甜品吧
各式甜品 ...麵包布甸 / 芝士蛋糕 / 綠茶蛋糕 / 朱古力脆脆...etc
有個小朱古力鍋 ...可以自己整棉花糖 / 生果....etc
仲有小量生果 ...西瓜 / 菠蘿 / 水蜜桃 / 士多啤梨....etc
一個雪糕櫃仔
雪糕杯仔...雲尼拿 / 朱古力 / 紅豆...etc
熟食分 2 邊
咖哩薯仔豬肉 / 白飯 / 烤餅 / 蘿蔔牛腩 / 酸甜骨 / 脆脆蝦 / 燒雞....etc
至卡我呢, 第 1 round 就梗係先食凍盤啦...凍食樣樣都好新鮮好甜美..
唯一係...蟹腳偏咸, 每次 2 條份量剛好要食下其他野過下口, 哈哈!!然後又食下熟食...甜品..再返頭食冷盤...呵呵呵~
想一提既係, 佢個咖哩汁真係好正, 夠味又夠辣, 用黎送飯或者烤餅都一流!!另一樣我覺得正既就係鐵板燒, 味道o岩o岩好, 不過因為即叫即燒, 所以排隊係必須既~
整體上, 呢度既野食味道全部都唔錯, 唔會過甜過咸過酸, 讚!!!
因為款式的確比較少, 所以其實唔算太抵食~
但以呢個團購價食到呢個質數......值!!!!!!
張貼
