尚點 小籠包.上海菜館 (悅來坊) (已結業)

以前屋企樓下有間「尚點」，所以間中都會去食下。而家返工附近都有，如果lunch想食下上海麵，都會去過下口癮。—一個午餐會包一個小菜，一個主菜（麵食／飯食），同一杯野飲。蒜蓉四季豆呢個四季豆係凍食黎，好重蒜蓉味，用黎做開胃菜最好不過。😋 —上海擔擔麵食上海麵就一定係叫上海擔擔麵啦，呢到既擔擔麵湯底好岩藍妹口味，佢冇麻辣味。😝花生醬十足，所以好重花生味，正！😍麵條份量都好多下，一個人食都絕對夠飽，唔會太林。—上湯雲吞藍妹次次黎都想叫呢個，佢啲雲吞係冇蝦既，岩哂藍妹。😆每隻都超大隻，好足料，包你食完飽飽。最鐘意飲佢個湯，雲吞個味雖然偏淡，但係湯就偏咸，所以夾埋一齊食就岩岩好。😉佢有煎蛋條同紫菜，令成個湯頭更香更濃味。呢個推介！👍