影片
更多
2023-01-21
152 瀏覽
收爐啦！希望大家兔年繼續日日有食神，身體健康，福氣滿滿！今晚就約咗舊同事食飯，佢介紹咗呢間人氣台式火鍋店 — 別忘了。一入門口就見到甘多櫻花樹非常啱打卡，又有許願卡比客人可以寫願望再掛上樹上，幾有心思！我哋今次就揀咗Set B M7澳洲和牛120分鐘放題（$298），湯底就可以每人揀一款，個人幾推薦「別忘了」香濃豬骨湯，奶白色嘅湯底唔會太油膩，但夠香，自家製台灣蕃茄湯鮮甜濃郁。火鍋配料及醬料可以自己係自助區揀選，餐廳供應多款時令蔬菜及台式火鍋配料，例如芋頭貢丸、米血糕、蛋餃、甜不辣等等。等個爐滾嘅時候，我就去咗拎少少炸物，除咗響鈴魚皮之外，呢度仲有炸香蕉、芋頭波波，全部都炸得香脆可口！飲品、肉類、其他小食同甜品都可以自己掃QR code落單，非常方便！終於到咗狂食肉嘅時候啦！M7澳洲和牛油份十足，牛味香濃！精選牛板腱就比較瘦，肉質結實，薄切食落都幾軟腍！特別要一提，A5宮崎牛真係超靚超好味！豬肉方面，西班牙栗飼豬梅片以及日本鹿兒島茶美豚梅肉都好高質，肥瘦均勻，肉味濃郁！飲品有28款任君選擇，我就幾鐘意別忘了水果茶，茶味香但唔太苦澀，可以品嘗到水果嘅酸甜！食到尾聲雖然已經好飽，但見到用蘭
我哋今次就揀咗Set B M7澳洲和牛120分鐘放題（$298），湯底就可以每人揀一款，個人幾推薦「別忘了」香濃豬骨湯，奶白色嘅湯底唔會太油膩，但夠香，自家製台灣蕃茄湯鮮甜濃郁。
火鍋配料及醬料可以自己係自助區揀選，餐廳供應多款時令蔬菜及台式火鍋配料，例如芋頭貢丸、米血糕、蛋餃、甜不辣等等。
等個爐滾嘅時候，我就去咗拎少少炸物，除咗響鈴魚皮之外，呢度仲有炸香蕉、芋頭波波，全部都炸得香脆可口！
飲品、肉類、其他小食同甜品都可以自己掃QR code落單，非常方便！
終於到咗狂食肉嘅時候啦！M7澳洲和牛油份十足，牛味香濃！精選牛板腱就比較瘦，肉質結實，薄切食落都幾軟腍！特別要一提，A5宮崎牛真係超靚超好味！
豬肉方面，西班牙栗飼豬梅片以及日本鹿兒島茶美豚梅肉都好高質，肥瘦均勻，肉味濃郁！
飲品有28款任君選擇，我就幾鐘意別忘了水果茶，茶味香但唔太苦澀，可以品嘗到水果嘅酸甜！
食到尾聲雖然已經好飽，但見到用蘭王蛋整嘅窩夫，當然要一試啦！外脆內軟嘅窩夫加上雪糕真係一絕！
平日仲有午市60分鐘定量火鍋同下午茶放題，$128就可以任食小食甜品同任飲，下次揾機會要試下！
張貼
