檳城日和 (粉嶺中心) (已結業)

蝦麵店改頭換面後，帶嚟招牌蝦麵以外嘅馬來西亞家常菜與及各款fusion創意菜式。晚市套餐極抵食，小食、主菜、飲品同埋甜品一應俱全，仲唔加一。﹆ 晚市套餐 $198𖦹 一口馬拉盞蝦多士蝦多士金黃酥脆，蝦膠彈牙，連埋清新嘅青瓜同吃，正好中和其油膩之感。𖦹 馬來沙嗲雞肉串 雞肉燒得恰到好處，沙嗲汁甜甜地又有脆口花生粒，滿意。𖦹 斑蘭椰漿飯配五香滷肉呢個大力推介，好少地方食到！飯嘅顏色唔太綠，食落椰汁、班蘭味道突出得黎唔搶fo， 旁邊有馬來西亞入口嘅炸魚仔、炒香嘅花生、爽甜嘅溫室種青瓜、秘方溏心滷蛋、蝦醬作配料；主角五香滷肉外層酥脆，入面以豬肉同芋頭整成，洋蔥味濃郁，絕對係誠意之作。𖦹 辣味蝦湯 豐盛海鮮麵 摻摻 海鮮種類豐富，有青口、魷魚、蜆、蝦、蝦丸等，其中以蝦丸最為驚喜，極之彈牙，加上爽口嘅摻摻，湯底雖然蝦味唔算濃但用口感搭救。 𖦹 自家製班蘭咖央多士以馬來西亞獨有嘅啡色海南麵包做多士，脆卜卜！ 自家製嘅斑蘭醬以新鮮斑蘭、雞蛋、椰漿打成，入口富斑蘭香氣，再多啲醬就好啦。𖦹 桔仔冰茶 ＋＄10𖦹 冰糖檸檬薏米水 充滿亞洲風情嘅飲品，一杯清爽，一杯滋潤。﹆ 沙嗲醬雜錦魷魚秋葵樂樂 ＄52見魷