豚道樂 (大河道) (已結業)

想食拉麵，挑選左三間出黎揀，其中一間係曾經令我地失望既豚道樂。諗左陣究竟比唔比多次機會呢?!終於我地選擇給豚道樂一次平反既機會。去到門外，前面排一張二人枱，等左十分鐘左右有位，我地一早決定揀返芥末拉麵，好快寫好落單紙打算比店員落單，但店員好似分身不暇，order紙舉左幾次先比到店員。等左二十五分鐘左右，拉麵黎到喇，好緊張（究竟有冇進步呢？）特上日本芥末拉麵(曲麵) - 湯底味道近似返最初食到個種味道，芝士份量正常返，蛋唔夠以前滑，兩種既肉都正常，曲麵ok。日本芥末拉麵(幼麵) - 湯底一樣喇，食得返個芥末味係度，芝士份量正常，呢款幼麵同曲麵比較我地覺得曲麵比較夾呢個湯底食多d。加紫菜，原來係要後上既。呢兩隻匙更嚇死我！兩隻既底面都有一達達白色既野，我地用紙巾抹都抹唔甩，我放棄左唔用。簡單來說，味道總算回復水準，但其他方面似乎變差了，今日最失望既係餐具唔乾淨。等待拉麵途中，聽到隔離兩位客人追單，之後店員回覆佢地係漏左要再落過單，呢枱客坐左一個鐘都仲未到齊野食，哈，真係一追再追，勁! 之後對面個枱又係追左幾次餃子。講真我明白店員既苦處，相信呢個絕對係運作上既問題。