影片
更多
2020-11-16
87 瀏覽
源自美國既海鮮包, 係香港都唔係好多地方食到, 每次想食都總會第1時間諗起CAPTAINS HOUSE。餐廳環境走美式休閒風, 餐廳兩旁都係大玻璃窗, 令人感覺舒適。路易斯安娜特色蟹餅以鐵板上的圓圓蟹餅, 切開清楚見到入面填滿左一絲絲蟹肉, 每一啖都100%蟹肉, 肉甜鮮味, 真係未食過咁真材實料既蟹餅! 面頭既醬汁甜甜地, 不過無需醬汁已經好好味, 而且食材處理得不錯, 唔會有蟹殼碎。 海鮮自選 3 款今次揀左海蝦 , 活蜆同青口配檸檬牛油汁, 每款海鮮有10隻。店員捧住大大個海鮮袋, 然後就會shake shake shake, 一打開香到爆, 海鮮已經沾滿醬汁, 十分誘人, 海鮮包既一大精髓就係直接用手食, 正! 活蜆肥美無沙, 活青口比較細隻但亦有鮮味, 海蝦新鮮彈牙, 幾中意佢既檸檬牛油汁, 牛油味好香加上檸檬汁既清新, 一d都唔會膩仲可以帶出海鮮鮮味! 袋入面仲有薯仔 , 粟米同肉腸, 栗米脆口又甜, 發覺佢個檸檬牛油汁係不敗既, 因為點咩都好食!香煎帶子意粉 賣相靚, 帶子大大粒, 表面煎到金黃, 入口嫩滑又不失帶子肉一絲絲既口感, 鮮味又滿足。意粉用上蕃茄醬, 特別中
路易斯安娜特色蟹餅
以鐵板上的圓圓蟹餅, 切開清楚見到入面填滿左一絲絲蟹肉, 每一啖都100%蟹肉, 肉甜鮮味, 真係未食過咁真材實料既蟹餅! 面頭既醬汁甜甜地, 不過無需醬汁已經好好味, 而且食材處理得不錯, 唔會有蟹殼碎。
海鮮自選 3 款
今次揀左海蝦 , 活蜆同青口配檸檬牛油汁, 每款海鮮有10隻。店員捧住大大個海鮮袋, 然後就會shake shake shake, 一打開香到爆, 海鮮已經沾滿醬汁, 十分誘人, 海鮮包既一大精髓就係直接用手食, 正! 活蜆肥美無沙, 活青口比較細隻但亦有鮮味, 海蝦新鮮彈牙, 幾中意佢既檸檬牛油汁, 牛油味好香加上檸檬汁既清新, 一d都唔會膩仲可以帶出海鮮鮮味! 袋入面仲有薯仔 , 粟米同肉腸, 栗米脆口又甜, 發覺佢個檸檬牛油汁係不敗既, 因為點咩都好食!
香煎帶子意粉
賣相靚, 帶子大大粒, 表面煎到金黃, 入口嫩滑又不失帶子肉一絲絲既口感, 鮮味又滿足。意粉用上蕃茄醬, 特別中意佢加入左一絲絲既意大利青瓜, 整個味道酸酸甜甜, 好味!
Apple Pie with ice-cream
最中意食保留左蘋果口感既APPLE PIE! 依個真係非常好食, 滿佈蘋果粒, 仍帶有脆口口感, 味道唔會過甜並帶微酸, 另外佢既PIE皮都係做得好好, 曲奇皮鬆脆而已好香牛油味, 超正
依度除左海鮮得之外, 原來野飲都出色, 叫左兩杯mocktail, 一杯龍眼味好突出清甜, 另一杯則有香甜桃味, 再加上薄荷葉帶出陣陣清新, 兩杯都好好飲!
張貼
