ChumChum味 (已結業)

唔係朋友帶都唔知原本K11後面麼地道有韓國嘢食，仲要係抵食好食！ 入到去原來都幾多人，好野食果然幾低調都會有人發現同棒場！職員都係外籍人士，感覺去咗個小旅行。好耐無食過醬油蟹，呢間竟然有得！《 韓國醬油蟹 $220/隻 》（跟紫菜飯）好肥又多肉，啲肉好輕易就啜到出啜食，啲蟹膏好鮮甜，加埋啲甜甜哋嘅醬油真係令人食唔停！加落啲飯度食原來好好味！《 泡菜海鮮豆腐湯 $100 》唔會太辣但幾香，有青口同滑豆腐，配埋白飯幾好味～《 迷你豬腳 $55/1隻 》以為一隻好少，原來都好多架！啲皮肉好入味又彈牙，好好味，超抵食！