Barg (已結業)

朋友就黎生日，啱好有夾到的日子可以約食個飯，今晚就同佢放工黎到銅鑼灣區搵間好味的西餐試下。見到百樂中心呢間Barg 環境唔錯，食物價錢又合理，就上黎試下啦。今晚唔算好多人，有幾檯客左右，但裝修十分有品味，好有外國風。先黎一杯紅酒，$65/杯，紅酒的味道有少少偏鹹，更易入口而帶出酒味的香醇，入口唔會嗆，酒味香濃。麵包籃，有4個鬆軟軟熟的麵包，咬落煙韌香甜，配有一粒煎香的蒜頭，可以增添香味。紐西蘭青口，$168,配香辣肉腸海鮮汁，青口大隻爽口不在話下，食落好滑溜，一咬就有超香甜的海鮮味，好吸引，而個海鮮汁有好重的蕃茄味，而又不稠，稀身，係好出色的海鮮羽衣甘藍牛油果沙律，$98,份量好大份呀，材料好豐富足料，有新鮮牛油果，蕃茄仔等，羽衣甘藍好爽脆，加上香甜的沙律醬，味道好夾。慢煮美國牛小排，$258,配牛油薯蓉，牛小排係取自牛的最鮮嫩的部份，牛肉味好香濃，慢煮的方法令到肉質有嫩滑之中又帶點爽口，咬落香味四溢。烤法國原隻春雞，$218,表面燒得呈微微香烤色，皮好香脆，雞肉肉質嫩滑，多汁，仲有啖啖香草的香味。甜品，心太軟，係成個朱古力流心咁焗的，表面仲好香脆的，入面的朱古力好香濃，食落好甜好美味