Bellevue Bar and Grill (已結業)

黎到旺角，就梗食多野食喇，成日周圍揾野食，咁黎到呢間叫譽發廣場既大廈，入面就有呢間Bellevue餐廳，雖然佢叫自己做bar，但風格主要行清bar / 高級西餐路線，但唔好以為佢好cheap，因為入到去無論個裝修，餐具用料，氣氛，都相當唔錯，同高級西餐差唔多，但價錢就相宜得多，所以我覺得性價比都幾高，值得一試。一黎就有支高級水，飲落係幾開胃，同埋比起普通水，多左少少礦物既味。前菜方面，有沙律同麵包，兩樣都算幾新鮮，麵包上台仲係熱辣辣，d沙律都算幾新鮮，唔會黃甘甘好似放左好多日咁。主菜方面，雞扒好大扒好足料，用木碟上菜，好有高級氣派，醃得岩岩好，所以入口都幾入味。甜品款式多，岩曬三心兩意既朋友仔，中間粉紅色既甜品，要卜開黎食，幾特別，而且味道都唔差。