回到味來 (已結業)

近日好似涼番啲，已經急不及待去打個邊爐有同事食過回到味來，仲話好正喎，難得今日收早，緊係去試下個調味架都幾靚喎入面有紅辣椒粒，葱，炸蒜，等等。兩個人打邊爐，最驚叫雞煲食唔曬！回到味來有得揀半隻雞兩個人半隻雞岩岩好侍應哥哥話上枱焗2分鐘，炒下佢就食得打開煲蓋，已經好香，啲雞肉又幾滑！ ！順帶一提，辣度有小惡魔，中惡魔(全單9折)，大惡魔(全單8折)同埋終極惡魔(全單7析)。我地都係揀個微辣得啦少少辣過下癮！打邊爐必叫炸魚皮，脆卜卜好好味呢個手打牛筋丸擺得好有心思！牛丸值得推介好彈牙，咬嗰陣仲咇左啲汁岀黎雙拼魚滑，份量都幾多喎，抵食之選呢個送嘅好新鮮呀，全部開曬手切牛師傅刀功好好呀，切到咁薄，啲牛好快熟！另外我地仲叫左一set啤酒，打邊爐飲好緊要！！因為好多樓上舖係無酒牌