阿來客棧雞煲火鍋 (已結業)

店舖裝修雅致，座位都闊落舒適。一場嚟到當然要試吓佢嘅秘製雞煲，雞煲嘅味道好濃郁，似落咗沙嗲醬咁，好彩叫咗微辣，因為辣度對我嚟講都有點勁，朋友唔食得辣，食到流晒鼻水，但係又想食，好過癮。由於兩個人食，食物份量有得選擇半份👍咁你可以叫多啲唔同種類。食物推介日本蠔，非常鮮甜肥美，黑松露墨魚滑彈牙，帶淡淡黑松露香。珊瑚幫到好新鮮好味，口感爽脆。好奇既我見到有個叫貓耳朵既食物擺喺蔬菜類，由於唔知佢係咩所以想試吓，原來係雲耳😂最後食埋個烏冬吸晒啲精華，非常滿足嘅一餐。