R.I.M.K (已結業)

旺角咁多餐廳想突圍而出都唔易，之前都有留意哩間cafe，今次黎開旺角上黎試下。上到黎見到接近滿座，好彩有台冇黎到walkin成功。可以坐喺一邊寧靜角落，好舒服。蟹肉蟹子明太子扁意粉 $128味道好有驚喜，落左大量蟹肉同蟹子，調味又岩岩好，每啖都creamy夾有明太子既咸香，可以encore。蒲燒鰻魚蛋包意大利飯 $158呢個價錢有原條鰻魚，餐廳好有誠意，賣相都好靚。除咗頭尾部份有少少骨，其他啖啖肉，滿足呀！揀左升級套餐 +$48，跟櫻花濃蝦湯、餐飲同甜品。鮮果紅茶有唔少生果，好味。甜品賣相都ok，係tiramisu蛋糕，$48有3樣野，抵加。