74
1
0
港鐵旺角站 E2 出口, 步行約4分鐘 繼續閱讀
電話號碼
23881655
營業時間
今日營業
12:00 - 15:30
18:00 - 22:00
星期一至日
12:00 - 15:30
18:00 - 22:00
*午市最後落單時間: 15:00 晚市最後落單時間: 21:30
付款方式
現金
其他資料
電話訂座
加一服務費
食評 (81)
等級4 2021-04-07
1070 瀏覽
呢日陪老公去旺角行街買野, 但附近D野食到好悶呀, 決定搵D未食過既野, 上OPENRICE搵樓上CAFE, 見到呢間R.I.M.K好似唔錯, 就決定試下佢!!店內裝修好精緻呀, 係令人覺得好舒服既小清新FEEL!我地2個人就叫左2個MAIN COURSE, 加$48就可以有個SET:迷你櫻花濃蝦湯+是日精選甜品+餐飲一杯。我想讚下店員, 係我地點餐前, 店員好用心同我地推介同解釋, 服務好好!另外仲可以加$1就可以芝士蛋糕放題, 任食芝士蛋糕!!! $1咋啵! 當然叫啦!!迷你櫻花濃蝦湯呢個湯真係好~好~飲!我印象中櫻花蝦多數都係食拉輀個陣見到啦~但用來做餐湯都係第1次見!但個湯真係超濃超香!好好味!蟹肉蟹子明太子扁意粉 ($128)我呢, 都幾中意食明太子既, 見到呢個明太子意粉, 當然就叫左。意粉係扁意粉來, 掛汁好過普通意粉, 意粉煮得剛剛好, 唔會硬, 又唔會太林(我好怕太林既意粉)蟹肉同明太子, 令成個意粉都好鮮味。再加上蟹子, 令成個意粉再多一種口感。好食!蒜香辣椒蜆肉意大利粉配軟殼蟹 ($138)呢個係原個石鍋上, 夠晒鑊氣!軟殼蟹 係原隻大大隻!成隻都可以食得!炸到好香脆! 好味道!!意粉炒得好乾身, 又唔會太油, 蒜香辣椒份量夠, 好惹味!芝士蛋糕放題每人加$1, 就可以任食MENU上的蛋糕!!本身我都以為係坊間食放題個D一口芝士蛋糕, 好細舊。點知!!!!!!!!!! 原來係大大舊! 一件件架!!我地試左TIRAMISU, 柚子日式芝士蛋糕, 朱古力蛋糕同富士蘋果芝士蛋糕。TIRAMISU好香酒味!柚子日式芝士蛋糕好清新!朱古力蛋糕既朱古力味夠香濃。富士蘋果芝士蛋糕我就最中意喇!好少見到呢個配搭。酸酸甜甜, 又有蘋果既清香, 好好味!!最後飲埋大大杯的餐飲, 呢餐真係好滿足!!!呢間樓上CAFE, 由餐湯, 到主菜, 再到甜品, 我都覺得好味道!加上價錢1D都唔貴! 尤其係可以加$1任食蛋糕!!中意食蛋糕既朋友仔一定要試下!! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-24
882 瀏覽
對昌記大廈完全不陌生,那裡本身就有很多樓上CAFÉ。最近二樓開了一間新CAFÉ,平日的晚上也滿座,建議先行訂座,唯電梯不到二樓,需走樓梯。單點任何Pasta/ Risotto/ Meat加$48可升級套餐包括湯、甜品及飲品,再加$1可任吃甜品,唯是次實在太飽,沒有追加蛋糕放題有點可惜。西西里大蝦辣蕃茄意大利粉 - $128同時加入西西里茄膏和蕃茄醬兩種,加上清晰可見的蕃茄肉及車厘茄,充滿濃郁的蕃茄味,口感特別酸甜和清新,帶點微辣更有層次。五六隻大蝦(開邊去殼去腸)質感爽嫩彈牙,味道淡雅。蟹肉蟹子明太子扁意粉 - $128扁意粉軟硬適中煙煙韌韌,掛汁能力高,同時又能黏附蟹肉絲及蟹子。大量蟹肉絲充滿鮮甜味,蟹子則帶有粒粒的爽口感,明太子忌廉醬帶幾分鹹香帶幾分甜。迷你櫻花濃蝦湯質感雖不及龍蝦湯濃稠,但鮮味絕不遜色,加入櫻花蝦的味道特別濃郁,質感順滑。荔枝蜜桃茶 +$15整杯也充滿水果切片,有荔枝味果凍、蜜桃切粒、橙片,感覺非常香甜清新,充滿夏日的味道。青檸檸檬梳打+$15感覺有點像Mojito,但沒有任何酒精成份。青檸和檸檬的味道很濃烈,帶清新的微酸,再加上薄荷葉和梳打水的氣泡,冰凍得特別爽口。提拉米蘇 & 柚子日式芝士蛋糕日式芝士蛋糕有別於美式,有那種鬆軟輕盈、柔滑細緻的感覺,加入柚子粒增添那種爆汁感,味道更加清甜。提拉米蘇的海綿蛋糕比例較多,朱古力味足夠,唯咖啡味亦不太濃烈。 繼續閱讀
(以上食評乃用戶個人意見 , 並不代表OpenRice之觀點。)
作為cheese cake愛好者,知道R.I.M.K推出$1任食芝士,即約朋友去食!餐廳裝修以文青簡約風為主,令人舒服~餐廳職員細心有禮介紹餐牌😆服務真係好好,而且上菜好快~🌠蒜香辣椒蜆肉意大利粉配軟殼蟹推薦🌟一上菜已經"嘩"一聲😜軟殼蟹好大隻炸到金黃色,一咬外脆內軟,而且好多膏!意粉真係好多同辣椒,食落唔太辣,但反而好香口!蜆肉餐廳真係唔吝嗇,份量幾多,而且夠鮮甜!再配合熱石鍋,相機食先都唔怕變凍,keep住好熱食,好正😄🌠黑松露野菌意大利飯無錯!又食黑松露意大利飯,繼續努力試齊黑松露意大飯~呢間意大利飯質幾適合我地香港人,軟硬適中,唔會太硬😄黑松露味較淡,但奶香口感夠濃厚所以整體都唔錯😏依家只要惠顧see dinner就可以加$1任食cheese cakecheese cake 全部嚟自日本福岡仲有6 款選擇咁多~原味芝士蛋糕、朱古力芝士蛋糕、綠茶芝士蛋糕、 Tiramisu,仲有特別啲嘅 清新柚子芝士蛋糕同富士蘋果芝士蛋糕~總有一款岩食!一口氣叫咗5件😜個人最鐘意原味cheese cake! 口感好rich,質感綿密,特別軟滑~食都幾件都唔心痛!$1 cheese cake放題仲做到4月dinner set加放題cheese cake真係好抵食😜 繼續閱讀
(以上食評乃用戶個人意見 , 並不代表OpenRice之觀點。)
食得花巧不如食得好大家對CAFE既印像就係用黎HEA食物一般都係好普通或者只係簡單小吃其實,我地仲有好多人真係用心做食物既只係大家比打卡文化影響左,唔再味道排第一講到尾食物都係要好吃先係最重要之前係荃灣食過一間CAFE,行到入工業區人地晚市一樣爆曬場,就知道食物好先係皇道佢地而家係旺角開左新分店!~~今期仲有午市優惠,有水準又抵食今期優惠,跟餐甜品第2件1蚊,第一件半價點講都係著數,同埋唔會因為減價而縮水都係比足標準份量上菜,夠老實!主打意粉!今次試下溫泉蛋卡邦尼意粉 $98另一碟叫左雙重芝士長通粉 $108而家優惠包餐飲同櫻花濃蝦湯先上濃湯,佢呢度既Soup真係幾好飲有西餐廳水準,蝦味濃郁,十分鮮味,飲完不口乾飲完好開胃,胃口打開,而且今日咁凍,好暖胃長通粉掛滿芝士醬汁,有肉腸切片做配角長通粉仍然好有彈性,醬汁特別濃香!!佢地既意粉唔會煮到太淋身,係幾好食溫泉蛋卡邦尼意粉 $98意粉中間放左一隻溫泉蛋伴煙肉片同洋蔥碟邊仲有少少芝士碎,將隻蛋中間開一刀將蛋汁同意粉拌勻一起吃,味道特別濃郁食起黎層次豐富,啖啖味濃令人相當滿足食完主菜,叫左杯餐飲同咖啡休息一下先坐一陣再落單食甜品跟餐可追加甜品,第一客半價,第2客$1唔好講笑,佢d甜品靚到可以單賣有水準有賣相味道佳,而且價錢抵食!最貴一款都係$38! 叫左個MK熱香餅同芝士蛋糕即係$19+$1 就食到2款甜品!擺盤真係好比心機!未食已經覺得好心情柚子芝士蛋糕食到淡淡酸香清新柚子味芝士同柚子既味道都好平衡!熱香餅,層層夾上香蕉片再灑上糖漿最後再上一球雪糕!同大量忌廉~賣相都靚!將佢切半抹上忌廉同雪糕一齊食!好滿足~旺角豉油街21號昌記大廈2樓B 繼續閱讀
(以上食評乃用戶個人意見 , 並不代表OpenRice之觀點。)
等級4 2021-02-24
1667 瀏覽
今次午餐與朋友到旺角樓上cafe R.I.M.K, 地點位於豉油街21號昌記大廈2樓B號舖。 店內裝修以簡約文青風, 坐低不久店員親切地為我們介紹餐牌上的食物, 甜品有半價,加$1再可以配多一件甜品㖭! 我與朋友今次就先點墨汁意大利飯配北海道刺身帶子$138、 海鮮忌廉汁扁麵配挪威煙三文魚$118、 凍檸茶和熱檸茶。✨✨✨🔴迷你櫻花龍蝦湯(跟餐)~ 蝦味濃郁🦐,帶有點微辣,好開胃😋。🔴墨汁意大利飯配北海道刺身帶子~黑麻麻的墨汁意大利飯, 口感有嚼勁, 配料有肥厚帶子、 爽口魷魚、鮮味蜆肉和爽甜蘆筍,非常足料👍🏻。🔴海鮮忌廉汁扁麵配挪威煙三文魚~忌廉汁濃郁香滑,再配搭彈牙的扁麵和口感肥美豐富的煙三文魚, 賣相仲幾靚㖭🥰!🔴凍檸茶 & 熱檸茶~原先想試下餐廳的咖啡☕, 但近排新年食得太多,所以都是決定飲檸茶去膩。整體感覺唔錯, 食物有質素, 店員服務好, 期待下次再來。😊 繼續閱讀
(以上食評乃用戶個人意見 , 並不代表OpenRice之觀點。)