部屋咖啡室

啱啱喺旺角睇完戲，就上網睇吓有咩地方食飯，搵到呢間樓上咖啡室食評唔錯就上去試試，呢間樓上舖頭唔係好大都係得六七個卡座，側邊有啲board game可以俾人借來玩。一坐低佢哋就俾咗個白板自己寫低想食乜😂見到佢啲特飮好吸引，我就叫咗楊枝甘露而老公就要咗漢堡包。見到個黑松露蘑菇意大利飯好吸引，如果叫特跟餐只需要加$22 ，如果加凍飲就加$6。黑松露蘑菇意大利飯🥘$152佢啲黑松露味好香，雖然啲飯唔係好多但係食落都幾飽，味道唔錯同埋啲蘑菇味道好夾亦好creamy.自家製手打牛肉漢堡包🍔$118塊牛肉有好多肉汁，配埋啲薯條都幾好味。楊枝甘露$56呢杯特飲唔太甜，味道啱啱好飲落有好香芒果同奶味，入面仲有啲粒粒好有咬口。總括嚟講，呢度食物都唔錯，又可以同朋友上嚟玩board game，不失為一個食飯好去處。