絆 (已結業)

前排情人節男朋友Book咗呢間樓上日式居酒屋食lunch，餐廳面積不大但座位夠闊落舒適，仲有落地玻璃望到尖東樓景夠晒開陽， 啱晒二人世界食餐飯。我哋點左每位$688嘅料理套餐，前菜九宮合盛已經非常豐富吸睛，每款都有唔同嘅調味，估唔到仲有額外牛舌，杏鮑菇同松葉蟹肉組成的三宮特盛作為開胃菜～ 好滿足跟住到刺身盛五合，用藍色貝殼盛出來夠曬igable, 有大大隻晶瑩剔透嘅牡丹蝦同帆立貝，仲有油甘魚，真鯛同拖羅刺身好鮮美！串燒有非常香口嘅五花肉肥瘦分明不油膩，豚肉蔥卷同雞首肉都燒得入味，而A4個牛肉卷牛味濃郁～ 食完串燒其實都開始飽飽地，到壽司五貫師傅會溫馨提示我哋由左邊較淡口味嘅壽司開始食。第一啖係深海池魚🍣，到灑了柚子粉的真鯛，燒左口魚、芝士鰻魚壽司，好味😋吉列和牛爽脆肉嫩，豚角煮蚊得入味，鐵板燒廣島🦪肉大肥美，燒菠蘿好甜！最後的南瓜雪糕甜品口感特別，唔會太甜。