影片
更多
2016-02-04
352 瀏覽
放假日出旺角行街, 四圍都係自由行或者趕住辦年貨既人, 想休息食D野都好難搵位. 不過知旺角有好多優質樓上cafe, 上網搵下就搵到呢間. 大廈門口較隱蔽, 響壽司鋪條巷入大廈lift口.上到去一貫cafe舒適既梳化位, 而且有遊樂玩具比食客玩. 睇下餐牌, 種類都好多原化, 意粉/飯, 小食, burger類, 而飲品亦都好多, 最令我吸睛既就係串燒類.下午茶想食得輕盈D, 所以要左個All day breakfast類, 有<德國腸, 炒蛋, 煙肉, 薯餅>$58份量幾多, 煙肉同腸仔煎得唔會太燶, 好惹味, 啖啖肉. 炒蛋夠滑溜, 薯餅炸到脆卜卜, 好香口唔油膩.仲有吸睛既串燒, 要左幾款<燒雞肉串, 豬肉串, 雞脾菇串>各$15, 串串都係即燒, 所以熱辣辣好香.豬肉串用孜然粉調味, 好惹味, 豬肉燒完唔會太乾, 入口無渣, 好juicy.雞肉串用左沙爹汁調味, 味道濃而不辣, 雞肉肉質嫩滑, 軟腍入味. 雞脾菇外面燒到無咁軟身, 食落仲有咬口, 亦都用左沙爹汁調味, 入口超級juicy, 菇味非常濃郁, 燒左都無乾晒.另外要左杯<玫瑰朱
上到去一貫cafe舒適既梳化位, 而且有遊樂玩具比食客玩. 睇下餐牌, 種類都好多原化, 意粉/飯, 小食, burger類, 而飲品亦都好多, 最令我吸睛既就係串燒類.
下午茶想食得輕盈D, 所以要左個All day breakfast類, 有<德國腸, 炒蛋, 煙肉, 薯餅>$58份量幾多, 煙肉同腸仔煎得唔會太燶, 好惹味, 啖啖肉. 炒蛋夠滑溜, 薯餅炸到脆卜卜, 好香口唔油膩.
仲有吸睛既串燒, 要左幾款<燒雞肉串, 豬肉串, 雞脾菇串>各$15, 串串都係即燒, 所以熱辣辣好香.豬肉串用孜然粉調味, 好惹味, 豬肉燒完唔會太乾, 入口無渣, 好juicy.
雞肉串用左沙爹汁調味, 味道濃而不辣, 雞肉肉質嫩滑, 軟腍入味.
雞脾菇外面燒到無咁軟身, 食落仲有咬口, 亦都用左沙爹汁調味, 入口超級juicy, 菇味非常濃郁, 燒左都無乾晒.
另外要左杯<玫瑰朱古力咖啡>$32, 一上枱已經聞到淡淡既玫瑰花香味, 一入口除左花香, 仲有淡淡朱古力味, 咖啡味唔會太濃, 亦唔會太甜, 入口夠滑.
呢度既串燒確係非常香口美味, 如果夜晚黎邊吹水邊食串燒, 感覺非常正.
張貼
