137
18
5
港鐵油麻地站 A1 出口, 步行約3分鐘 繼續閱讀
營業時間
*年二十九至年初三休息
星期一至日
13:00 - 02:00
付款方式
現金
座位數目
35
其他資料
Wi-Fi
深夜營業
酒精飲品
自帶酒水
電話訂座 詳細介紹
加一服務費
食評 (166)
等級3 2017-04-26
532 瀏覽
坐下又一日 輕鬆又自在同女朋友行街行到攰攰地,想去食tea就去左朋友成日提嘅串燒cafe都試下,氣氛都唔錯,岩晒情侶或者三五知己黎呀!我地order了小食拼盤,簡簡單單嘅雞翼味道甜甜地唔錯,薯條同麥樂雞熱辣辣炸得好香好脆,最鍾意就係佢呢度嘅沙律,食完炸野食返d清新沙律,即時減少油膩感,蔬菜嘅新鮮爽甜配埋芝麻醬一齊食好好味!另外再叫左香蕉朱古力鬆餅配朱古力雪糕,朱古力配朱古力雪糕再加朱古力醬雖然睇落有點漏,但食落非常滋味好味,鬆餅好鬆脆又夠熱,外脆內軟口感好正,撈埋少少雪糕一齊食都唔錯,但個人like雪糕分開食,鬆餅配香蕉一齊好食d!呢度價錢一d都唔貴,又可以慢慢坐慢慢食先令我覺得最舒服最自在! 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-13
964 瀏覽
時間過得好快 轉眼2017年已經過左1/4而我同小胖男友仍然係keep住密密搵(地方)...密密食有日我地就去左登打士街一座有好多cafe既大廈內覓食 憑直覺我地揀左一間叫串燒咖啡既cafe可能時間尚早既關係 cafe唔係有好多人 裝修簡單 較清靜雖然地方唔係好大 但餐牌非常精美 亦有好多類型既食物選擇小妹認為Cafe 最 最 最重要既一定係杯飲品我地點左水果茶同朱古力曲奇咖啡兩杯都好有質素不但甜度適中 朱古力同咖啡味又夠濃 最難得係夠晒凍 (平日好多時飲凍朱古力都會出現個底係熱既情況 )另外 除左cafe基本既小食拼盤同意粉外, 仲有大量款式既串燒當日我地就主攻串燒.....以為cafe既串燒會好敷衍?! 唔係喎 又係有驚喜 不但價錢唔貴 仲燒得夠香夠脆 串燒上既沙茶醬味道亦好配合食飽串燒 意猶未盡 已經有飽意既我地忍唔住誘惑再叫左個好靚既草莓香草鬆餅鬆餅口感的確好鬆軟 配上新鮮既士多啤梨同雪糕 好幸福雖然環境未算好靚 但性價比高 推介大家一試呢間小店 繼續閱讀
(以上食評乃用戶個人意見 , 並不代表OpenRice之觀點。)
等級3 2017-03-30
522 瀏覽
收工同好姊妹相約去旺角行街買野,再去埋油麻地買生果,之後就食埋個晚飯先走,朋友介紹左去一間樓上CAFÉ食野,果然推介得唔錯,又真係幾好味喎,都有D驚喜,位於旺角登打士街36號恆威商業中心7樓,地點都易搵架!青檸梳打,味道調得岩岩好,飲完好清新丫!朋友叫左杯水蜜桃梳打,我都飲左啖,又真係幾好飲wor,唔會太sweet,剛剛好!點左個三文魚沙律,好fresh,三文魚都好新鮮,正!我地最愛就係食炸薯條,最好就係吹水食物之一,一邊食一邊吹下水,不知幾咁滿足,哩個薯條加埋芝士醬簡直絕配,又唔會太過流,真係好惹味丫!菠菜汁忌廉煙三文魚意粉哩個意粉整得好出色,個cream汁整得好好味,好香濃,我最愛哩個意粉,真係自己點整都整唔到咁好食!話明串燒咖啡緊係有串燒啦,叫左個燒韮菜,佢個調味同醬汁整得好好味,好爽口韮菜,必點!燒茄子,勁大條丫真係,原條開邊,我都係第一次食咁大條,又係勁惹味,佢地既汁加調味粉都整得好出色!燒牛仔骨,份量都大塊,牛肉仲好嫩,肉汁正!花枝丸+雞肉串燒,花枝丸夠大粒,雞肉醃製得好入味,又唔會有味精,可點黎試試~最近點少得食埋個甜品丫,幾個女仔緊係要點啦,士多啤梨窩夫,都大份丫,真係要3—4人先食得哂,士多啤梨醬真係女人至愛,又唔會過份SWEET,有D酸酸地,好味丫個窩夫,仲要有D脆脆地,講起都流口水真係!都多意粉選擇喎暗暗地既環境都好岩幾個人上黎吹水食野 繼續閱讀
(以上食評乃用戶個人意見 , 並不代表OpenRice之觀點。)
等級3 2017-03-28
281 瀏覽
我覺得呢間餐廳都幾特別,有西式食物之餘仲有串燒食,啱晒我呢啲有少少選擇困難嘅人可以兩樣試哂。班尼蛋卡邦尼意粉好好味,意粉煮到軟硬適中,醬汁方面唔會太杰或太稀,啱啱好掛住D意粉好好味(必試)串燒方面;我哋點咗燒韭菜、燒帶子、燒魷魚鬚、雞肉串、秋刀魚、原條蒜蓉燒茄子,除咗串燒牛肉燒得乾咗啲有啲似食緊牛肉乾咁,同埋串燒菠蘿好似冇乜燒過咁唔甜帶酸,我哋最後先食當飯後果,幫助消化。整體嚟講嘢食係超好味,係同朋友食飯傾計好地方。超抵食喺openrice 見到佢哋有個優惠六點後惠顧全單有八折,兩個人折咗都係$300,優惠至31/3,唯一要改善就係通風系統,因為食完成身油煙味 繼續閱讀
(以上食評乃用戶個人意見 , 並不代表OpenRice之觀點。)
其實而家都仲有好多樓上咖啡室,每一間都總有擁護者,自問個人都光顧過唔少同類型咖啡室,但令我會再光臨就只此一家~串燒咖啡!這里除了有得食串燒外,甜品飲品選擇都好,味道亦好好飲。呢個綜合鮮雜果茶HKD40大大杯且份量及水果都十足味道夠濃郁但又唔會好甜好酸,味道適中又有粒粒鮮雜果,口感十足賣相又突出因為下午茶關係,所以吃得不多點了個蒜蓉牛油青口HKD28/3隻,燒吊筒仔HKD18/串及燒帶子HKD38/2大粒款款好味又抵食蒜蓉牛油青口好香濃牛油及蒜香,而且新鮮吊筒仔燒得恰當,而且又唔韌,口感適中帶子新鮮又大粒,鮮甜又彈牙除了其他燒物類,生果都有得燒見幾得意,揀左個燒香蕉HKD8/條面層淋上朱古力醬,香舊被燒過,因此有一陣燒過的香氣,但香蕉仍保持口感適中唔會過腍,而且香甜見其甜品夠吸引,因此亦點了個抹茶OREO鬆餅HKD58超好食,賣相已經不錯,如果雲呢拿雪糕口味可以有其他口味選擇則更好,抹茶OREO鬆餅帶微微抹茶味及清香,而且鬆餅鬆脆適中,口感好好,又唔會好甜,十分好吃。會再來的! 繼續閱讀
(以上食評乃用戶個人意見 , 並不代表OpenRice之觀點。)