影片
更多
2022-06-22
12 瀏覽
今晚放工去了佐敦食久違的鐵板燒，經openrice訂座更有八折優惠。餐廳門口用上木製趟門，甚有和風特色，入到去有吧檯位置可以觀賞陣間師傅烹調鐵板燒嘅精彩過程。今次叫左呢一個18層海膽杯鐵板燒set，包括前菜、沙律、18層海膽杯、燒海鮮、燒和牛、燒野菜、炒飯和吸物等。另外燒海鮮的部份，我加了$150升級做龍蝦。當然唔少得店舖招牌之一，額外加了$298點了火焰海膽甲羅燒試試佢。前菜-大蝦豆腐和藜麥羽衣甘藍沙律，清新開胃。18層海膽杯呢個打卡一流嘅18層海膽杯，唔止睇得仲食得，用上香檳杯裝盛的刺身都係第一次試，果然別有一番滋味。外表靚靚，入面包含左好多款刺身粒粒，每一層都唔同，有三文魚、北寄貝、吞拿魚、玻璃魷魚、螺片和海膽等，新鮮鮮甜，整個package好有心思。鐵板燒上場了！燒海鮮的部份有升級左嘅龍蝦，師傅製作左兩個口味版本，一邊係用上海膽芝士焗，另一邊用蟹膏蟹頭秘制方法烹調，惹味到呢！我自己就更鍾意海膽芝士焗嘅方式，龍蝦肉爽配上個特調醬汁真係無得輸。醬燒北寄貝賣相可口，北寄貝好新鮮好好味啊！燒野菜有燒日本甜薯、洋蔥和茄子！日本甜薯中間仲要夾住燒過嘅棉花糖粒粒，好可愛啊！蒲燒鰻魚蒲燒鰻魚超
今次叫左呢一個18層海膽杯鐵板燒set，包括前菜、沙律、18層海膽杯、燒海鮮、燒和牛、燒野菜、炒飯和吸物等。另外燒海鮮的部份，我加了$150升級做龍蝦。當然唔少得店舖招牌之一，額外加了$298點了火焰海膽甲羅燒試試佢。
前菜-大蝦豆腐和藜麥羽衣甘藍沙律，清新開胃。
18層海膽杯
呢個打卡一流嘅18層海膽杯，唔止睇得仲食得，用上香檳杯裝盛的刺身都係第一次試，果然別有一番滋味。外表靚靚，入面包含左好多款刺身粒粒，每一層都唔同，有三文魚、北寄貝、吞拿魚、玻璃魷魚、螺片和海膽等，新鮮鮮甜，整個package好有心思。
鐵板燒上場了！
燒海鮮的部份有升級左嘅龍蝦，師傅製作左兩個口味版本，一邊係用上海膽芝士焗，另一邊用蟹膏蟹頭秘制方法烹調，惹味到呢！我自己就更鍾意海膽芝士焗嘅方式，龍蝦肉爽配上個特調醬汁真係無得輸。
醬燒北寄貝
賣相可口，北寄貝好新鮮好好味啊！
燒野菜
有燒日本甜薯、洋蔥和茄子！日本甜薯中間仲要夾住燒過嘅棉花糖粒粒，好可愛啊！
蒲燒鰻魚
蒲燒鰻魚超級脆口，食唔停口。
重點來了，額外加左呢份火焰海膽甲羅燒，食之前仲可以睇表演，火焰慢慢燒至外層，好震撼。海膽甲羅燒超足料，海膽配上蟹膏、刺身、三文魚籽，一定要全部拌勻先可以食啊！
下一部分就係燒和牛！A5威士忌和牛厚燒，今次食呢款和牛來頭唔細，飲開威士忌大，所以食落會有酒味架，夠曬特別。配上海膽醬油一齊食鮮味更出。
接下來就係炒飯了，師傅功架十足，飯炒到金黃色，粒粒分明。最有誠意之作係師傅額外更會每位特製煎蘭王荷包蛋鋪上面層，蛋汁慢慢滲透炒飯，好滿意。
最後吸物部份係特色紙包花膠羊肚菌蜆湯，夠曬滋補。大蜆好大粒又夠甜，無沙。湯好鮮甜，用料好足啊，又有花膠、羊肚菌、冬菇等，以此作結。
今晚食呢個鐵板燒套餐，一個價錢可以食到咁多款菜式和鐵板燒，性價比高，下次要再嚟食過啊。
張貼
