Gochi

營業中

休息中

近排成日都行過樂富，發覺呢度既餐廳原來性價比都幾高，今次就來樂富廣場既GOCHI - Japanese Italian Restaurant ，菜單上有很多東西可供選擇，服務也很好，今次我揀左幾個假日中午套餐試下，其中有幾款特別要推介一下。特級北海道帶子柚子胡椒忌廉意粉帶子大大粒而且爽口彈牙，柚子、胡椒加上忌廉令味道更加有層次感，意粉幼滑。特色烤雞半隻一上菜就聞到香噴噴嘅烤雞味，真係不得了，食落肉質嫩滑，面上的醬汁質感稠身，甜感重，味道不錯，加上有少許薯條小食伴碟， 令客人味蕾感覺唔會太單一。松葉蟹肉蕃茄意大利飯飯粒分量剛剛好，而且唔會太硬，每粒飯粒都吸收蕃茄既調味，加上松葉蟹肉既鮮味，進一步昇華口感的層次。