茜廊餐廳 (樂富廣場A區)

營業中

休息中

茜廊餐廳今次要介紹一間喺樂富廣場A區附近有一間餐廳性價比超高叫「茜廊餐廳」，有時大家真係要留港消費多d，就會發現有好多超美味嘅餐廳，包括呢間講你都唔信嘅有$59鐵板西冷牛扒，早上1130至晚上2100，味道絕對唔會輸蝕幾百蚊一位西餐廳，經過樂富商場嘅你一定要試下啦！1.香烤原隻燒春雞+忌廉湯+蒜蓉包+凍奶茶$98（10/10）呢個香烤原隻燒春雞套餐係包括有忌廉湯、蒜蓉包同一杯野飲（凍或熱都得），原價$128，依家做緊特價 $98，燒春雞都幾大隻，肉質好嫩滑多汁，外皮超脆，忌廉湯好濃稠，蒜蓉包一咬好脆化，凍奶茶茶味香濃，抵食必叫之選！2.鐵板西冷牛扒（黑椒汁）$59+白飯$10+凍鴛鴦$10+心太軟$22（9.5/10）呢個鐵板西冷牛扒叫咗五成熟，黑椒汁超香濃，牛扒肉質軟淋，不過牛扒有少少筋位，我仲加咗$10叫咗一碗白飯，飲品揀咗凍鴛鴦，只係加$10，呢杯凍鴛鴦比較酸咗少少，最後加配優惠揀咗心太軟加$22，唔好睇少細細舊嘅心太軟，入面朱古力醬非常多，甜度適中！2人總共價錢$219，其他有加一服務費！個人口味總評分：9.75/10  @lokfuplace 地址：樂富聯合道198號樂富廣場