茜廊餐廳 (樂富廣場A區)

營業中

休息中

價錢街坊抵食價，午市鋸扒最平59蚊就食到，仲包埋餐湯麵包，蒜蓉包好香脆，羅宋湯自家制。午餐抵食又平，份量仲好大碟。鐵板牛扒厚到好似手掌甘大塊，加埋可以自選醬汁，意粉/飯，牛扒熟成度自選。焗豬扒飯，炒飯底，豬扒切好一片片易食，焗落熱辣辣，炒飯底蛋味幾香，加埋蕃茄醬汁開胃。飲品可以自選甜度，唔會加好晒可以飲得健康d。餐廳: 茜廊餐廳 (樂富)分店: 香港樂富聯合道198號樂富廣場A區UG1樓L105-108號舖

老友約樂富站行3分鐘就到《茜廊餐廳》午餐，餐廳坐滿九成街坊食客，價錢親民店員有禮親切。我們點左（撑留港消費）鐵板西冷牛扒$59: 牛扒都算大塊，牛肉質地都腍滑，配椰菜和西蘭花，洋蔥汁味道不錯，超抵食👍👍加$24懷舊紅豆冰💕😍羊髀扒配忌廉飯（燒汁），配羅宋湯、蒜茸包$68加$20椰乳雪糕紅豆冰：羊髀肉腍不羶，忌廉飯軟糯香滑好味，椰乳雪糕紅豆冰奶味足美味😋總結：街坊價，服務好，我們要支持留港消費。

今日同囡囡去樂富廣場行街，特登試吓呢間茜廊餐廳 ！位置超方便，UG1樓一上電梯就見到～裝修走溫馨Café風，燈光柔和幾舒服，平日中午都幾多街坊幫襯👨👩👧👦 ✨我嘅lunch set✨ ▫️咖哩牛腩飯 ($69) 牛腩炆得超淋身！咖哩香濃帶微辣，撈飯食一流～跟餐有碗足料羅宋湯，仲有兩片脆卜卜蒜茸包，性價比高👍 ✨囡囡嘅至愛✨ ▫️猪扒拼雞扒薯菜 ($66) 蒜蓉汁另上好貼心！豬扒煎得香口，雞扒嫩滑唔乾柴，薯菜份量夠晒多。配忌廉湯濃郁唔膩，加埋蒜茸包超滿足🍖 ✨甜品控必加✨ +$29就有件忌廉曲奇芝士蛋糕！餅底脆脆哋，芝士層creamy得來帶曲奇碎，囡囡秒清碟🍰 飲品凍檸茶夠大杯，茶底唔澀仲可以自己戳檸檬🍋 總括來講： ✅ 份量足 ✅ 價錢合理 ✅ 上菜快 ✅ 服務友善 街坊西餐來講質素唔錯，會encore！

今晚同太太去咗樂富廣場嘅「茜廊餐廳」撐枱腳，位置就喺A區UG1樓，搵到L105-108號舖就見到啦～餐廳裝修幾光猛，坐得舒服，重點係價錢親民，份量仲好足添！😋 🌟我哋order咗： 【小食】 ◾煙三文魚沙律（$39） 三文魚薄切夠新鮮，沙律菜爽脆，開胃之選！ ◾香辣雞中翼（4隻/$26） 炸得香脆，微辣惹味，抵食到震！ 【主菜】 ◾鐵板特級肉眼扒（$99） 叫咗五成熟，上枱仲吱吱響🔥！肉質嫩滑，黑椒汁夠濃，配意粉同忌廉湯（蒜茸包脆卜卜～），凍咖啡都唔錯。 ◾特盛鐵板雜扒（$78） 太太勁讚👍豬扒+雞扒+魚塊+豬柳+腸仔，大堆頭！羅宋湯酸香開胃，凍檸茶甜度剛好。 【甜品】 加$22配朱古力慕斯蛋糕，質感綿密，可可味濃，完美作結～

我哋三五知己由下午茶時間坐到晚餐，差唔多3小時慢慢嘆，特推$59鐵板西冷牛扒，目測幾乎每枱都有一份，真係抵食！阿姐服務超好，完全冇催過，仲主動畀壼水我哋，直至有人排隊先有禮貌咁請我哋離開，感覺好窩心。成個用餐體驗舒適，真係好適合同朋友談天說地！😋

呢間餐廳好高人氣，價錢貼地🥩鐵板特級肉眼扒 $109呢個套餐好抵食，配有餐湯、蒜茸包及餐飲。餐湯我叫咗忌廉湯，湯夠哂熱。肉眼扒份量足，好厚身。我叫咗七成熟，煎得啱啱好。鐵板上已有薯仔作配菜，再加埋跟餐嘅意粉，非常夠飽。🐑香煎羊髀扒(蒜蓉汁)配薯菜 $128同樣配有餐湯、蒜茸包及餐飲。餐湯羅宋湯好足料，羊髀扒都好大塊，肉質軟嫩，配上香濃惹味嘅蒜蓉汁，唔會有膻味。薯菜份量足夠，綿密軟糯，吸收咗羊扒嘅精華~🍰馬賽爾朱古力蛋糕 $29每個套餐都可以加$29 要埋甜品。我地叫咗朱古力蛋糕，朱古力味道非常濃郁，口感綿滑，甜度啱啱好，唔會膩！

呢間餐廳嘅午餐選擇幾多，而且價錢親民🤗我哋揀咗燒汁羊髀扒配忌廉飯，羊髀扒嘅份量夠，煎得唔錯，保持肉汁。燒汁夠濃郁，忌廉飯幾creamy，唔好太稀。配埋羅宋湯同蒜茸包，幾豐富。另外芝士焗蕃茄豬扒飯，芝士焗到金黃色，豬扒腍身，炒飯底，蕃茄汁酸甜適中。午餐配埋雜菜沙律同蒜茸包。我哋叫咗兩款小食share 。加$20就有兩件炸馬介休球，加$19就有兩隻吉列蝦。餐飲方面，揀咗凍咖啡同凍檸茶。呢度價錢經濟實惠，食物份量足夠。

話說今日行過竟然仲有$28嘅早餐🤩🤩🤩即刻入去試試佢啦😋😋好似好耐都冇喺香港食過咁平又有質素嘅早餐😋😋即刻忍唔住要寫一寫佢😎😎首先係入到去姐姐熱情嘅招待環境又好用QR code落單,影唔到餐牌俾大家睇，因為螢幕截圖係出唔到🙈🙈$28嘅選擇雖然只有一個😂但都足夠啦，有多士炒蛋🍞加冬菇米粉🍜仲有一杯嘢飲多士超有誠意唔係普通嘅方包係高級嘢仲配埋牛油俾你搽，炒蛋就唔好期望太高🤣正常嘢😌冬菇係有蒜蓉炒過嘅都算係用心之作😋😋凍飲仲要唔使加錢整體嚟講$28即係冇嘢可以挑剔😌😌

母親節陪同家人於此餐廳吃飯，中途各人吃完主菜，待應便急不及待收拾餐具。 怎料當全部人已用膳完畢，待應竟在眾目睽睽之下，叫我們讓坐給正在等候的客人。 明明店內還有其他空座位，我們也不是最早入座的，同時間有其他客人用膳完畢後，還在坐下閒聊。 但店員辯稱我們人數最多，所以要讓給下一台同樣人數的客人，所以沒有下次！

這碗$42的沙嗲牛肉公仔麵，絕對是一道令人垂涎的美食。首先，牛肉片的品質相當出色，肉質鮮嫩，口感滑順，與沙嗲醬的濃郁風味相得益彰。沙嗲醬的香氣四溢，既不過於油膩，又能充分提升牛肉的鮮味，讓人一口接一口，意猶未盡。公仔麵的麵條煮得恰到好處，彈性十足，與湯底的濃郁味道相結合，形成了完美的口感體驗。湯底清澈而富有層次感，讓人感受到每一口的美味。此外，香脆的多士也是這餐的亮點之一，外脆內軟，完美吸收了湯汁，增添了風味的層次。再加上炒滑蛋，鬆軟的口感與其他配料完美融合，讓整體味道更加豐富。最後，一杯清爽的凍檸茶作為飲品，既解膩又消暑，為整餐畫上完美的句號。這道沙嗲牛肉公仔麵，無疑是值得一試的美食，讓人回味無窮！這碗$42的沙嗲牛肉公仔麵，無疑是個美味的享受。牛肉片鮮嫩多汁，沙嗲醬香氣四溢，恰到好處地提升了麵的風味。公仔麵的口感滑順，搭配濃郁的湯底，讓人一口接一口。加上香脆的多士，完美地吸收了湯汁，增添了層次感。炒滑蛋鬆軟滑嫩，與麵條的搭配也相得益彰。最後，一杯凍檸茶清爽解膩，讓整餐更加完美，值得一試！

食物好味，本身已經好大份好足料，經理仲送多2份小食比我地，非常滿足！環境舒適好大，感覺整間餐廳都滿有人情味！食完去比錢，經理仲送多幾張送小食優惠卷比我地，體驗非常好！飽到晚餐都唔洗食🤣

今日去樂富，揾地方食午餐，位置好近房署，又想食西餐於是就揀左啲間。點了炸雞扒意大利飯，還是一個鐵板羊扒。先來羅宋湯，小小辣好味，意大利就好大碟，炸雞扒就得一塊。鐵板羊扒就幾好，夠多味道不錯，價錢都合理。

下午行完樂富的格仔山，朋友推薦到樂富商場的茜廊食下午茶. 入坐後，侍應送上一個不鏽鋼杯，內有熱水及餐具，非常貼心. 餐牌有多款下午茶餐，我想食一個輕便的下午茶餐，便選了西多士雞翼雜果沙律餐，及一杯走冰的凍檸檬茶😂，價錢$38. 雞翼的調味幾好食，但是雜果沙律食唔到雜果，只有青瓜甘筍及火箭生菜，但都好新鮮. 餐牌應該更正為蔬菜沙律. 西多士正常發揮. 凍檸茶的紅茶都幾香，檸檬冇澀味，又夠大杯.今日下午茶時段不太多人，餐廳闊落，座位舒適，配上輕音樂，同朋友傾吓偈，食吓嘢，朋友的推介真係唔錯😊. 食完下午茶，再走入商場逛一逛.

今日去樂富做嘢，跟住同同事去茜廊西餐廳食午餐。我哋叫咗兩個羊扒配意大利飯；兩個鐵板燒雜扒同埋一個三文魚沙律。個餐包湯蒜蓉包同埋飲品。午餐時間都算多人，每樣食品都中規中矩，蒜蓉包好味。服務殷切勤懇，值得一讚。

之前去過呢間餐廳嘅其他分店，食過唔同嘅餐，今次嚟到樂富呢間分店食一個午餐，只要係1點前埋單就有優惠，包含一杯嘢飲，凍飲或者熱飲檸檬茶的檸檬好大片👀🤝咖喱雞飯也不是很辣😉