允升甜品

營業中

休息中

咁大個女第一次入長洲,所以事前係網上搵定有D咩好野食,綜合黎講長洲最出名既就係芒果糯米糍同魚蛋,而講起芒果糯米糍允升就最出名啦,所以一黎到長洲就向住允升出發。我地3點幾左右黎到,人頭湧湧,但都好彩唔洗等位,我地諗都唔洗諗叫左3個糯米糍,2個芒果(1紫1白)同1個榴槤糯米糍,另外後加一個三色芒果腸粉。芒果糯米糍:咬開有大大舊既芒果,同坊間用芒果粒整既與別不同,口感比較豐富,皮薄得黎食落幾煙韌,但係芒果有D酸,紫色同白色食落冇咩分別。榴槤糯米糍:一個字正呀~好重既榴槤味。三色芒果腸粉:分別係黑芝麻,椰汁同綠茶,腸粉皮整得好薄,好滑,入面都係包住大大舊既芒果,黑芝麻最最難食,食落好似有陣藥材味咁,椰汁同綠茶中規中舉,冇咩特別,下次再黎可以唔洗點。整體黎講,榴槤比起芒果更勝一壽,下次再黎一定會試埋其他榴槤甜品。