FUMI (已搬遷) 新店位置

今日為咗慶祝朋友升職，嚟到蘭桂坊對上嘅加州大廈揾食。熟路嘅都知道加州大廈啲餐廳都有返咁上下份量，既然朋友出手闊綽，咁我就唔客氣啦😂😂😂今日廚師發板！首先頭盤有上湯葉海膽配芥辣醬油汁。好精緻嘅擺碟，令人眼前一亮。海膽，咸香的上湯，茴香嘅味道非常配合，又唔會蓋過海膽的鮮味。海膽新鮮，所以鮮甜，實在回味無窮，期待下一道菜式😋跟住落嚟係吞拿魚，同埋另外三種時令刺身。Wasabi用嘅係新鮮wasabi, 同一般預先整好嘅芥辣相比，別有一番風味，味道比較自然，唔太攻鼻👍🏻🍣刺身非常肥美，特別係吞拿魚，可以見到拖羅嘅油脂分布平均， 魚香濃厚。另外仲有沙甸魚，不過相比起拖羅嘅油香，魚味比較淡。不過整體來講，刺身嘅質素，冇得頂！🍤接住落嚟嘅天婦羅雖然比起刺身冇咁吸引，但係魚同蝦都非常新鮮，爽口彈牙，仲保留到魚汁 - 皆因用料上乘，花竹蝦，目光魚，難怪普通嘅天婦羅都如此美味☺️接下來照燒宮崎西冷絕對係整晚最驚喜之作👍🏻入口軟熟，牛味超濃，厚切嘅西冷雖未至於入口即溶，但油脂比例平均，咀嚼嘅時候慢慢感受到肉慢慢化開，真係好高水準😭配上壽喜燒汁同埋溫泉蛋，更加帶出肉嘅鮮味。日本雞腿肉配蘑菇釜飯，飯粒軟綿綿，帶光