焰 炭燒專門店 (已結業)

餐廳預設套餐，非常豐富，食足13味菜，環境好特別，每個座位前面都有火焰燈光效果，仲可以要求店員調整燈光顏色。店員服務非常好，每道菜式都詳細介紹，最抵讚係預早提示影相打卡時刻，體貼程度一流。季節刺身三點包括番薯、煙三文魚配哈密瓜、蟹膏豆腐，配咗三文魚嘅哈密瓜食落好清新，蟹膏豆腐好好食，食完好耐嗰個蟹膏味仲留喺口入面。季節精品先付三品包括深海池魚、牡丹蝦和拖羅，最中意拖羅，非常肥美，入口即溶。和牛刺身，牛肉好嫩滑，灑咗啲岩鹽，提升咗牛肉嘅清新度。燒嘅牛肉係岩手縣威士忌和牛，即係黑毛和牛，非常高質。鮑魚凍餅慢煮鮑魚，鮑魚口感好淋，可以分別配鮑魚肝醬、高湯整成嘅啫喱、飯，每樣食法都好好食。鵝肝茶碗蒸好滑好滑，加咗鵝肝之後成個茶碗蒸更香，係我食過最香嘅茶碗蒸。紫菜夾住牛小排，配上和牛他他醬和紫蘇葉，食法好特別，紫蘇葉令成道菜嘅口味好清新。炭薰牛舌炭燒味好香，好嫩好爽口。秋刀魚幽庵燒，入面夾咗秋葵，食落唔會有魚腥味，但又唔會蓋過燒魚嘅香味。海鮮土瓶燒好多海鮮，好足料，個湯好清甜。壽喜汁精選和牛肉眼薄燒牛肉燒到好嫩，牛肉好肥好滑，壽喜燒煮嘅配菜好甜。日本玉子塩漬精選和牛柳粒牛肉好淋，牛味好香，入口成