韓國屋 (已結業)

今晚我們喺旺角朗豪坊戲院買咗票睇戲，距離開場仲有啲時間，所以我們就去咗Food Court嘅「韓國屋」食個極速晚餐！我們買咗牛肉粉絲飯嘅粉絲都幾煙煙韌韌，牛肉嘅肉質唔算好鬆軟，感覺比較乾身，牛肉味亦唔係好濃郁，至於醬汁嘅色澤睇落以為會好有味，點知原來係淡而無味㗎！泡菜牛肉年糕湯麵嘅湯底同麵係同平日食開嘅「辛拉麵」無乜分別，而且啲麵係仲未煮熟，啲湯亦唔夠熱，年糕亦都係比較硬實！香辣牛肉炒年糕嘅年糕相當煙韌彈牙，牛肉就不過不失，辣醬嘅味道都幾惹味，係幾樣嘢食之中比較好嘅！