影片
更多
2020-07-04
342 瀏覽
今晚同同事fair well,6個人book左呢間餐廳。間舖嘅裝潢都幾有格調，係球類運動主題。職員安排左卡位俾我地，女士們坐沙發覺得張桌高左啲。落完order唔夠10分鐘就開始上菜喇，好快就上晒菜。如果有朋友未到，建議朋友到前10分鐘先落order，以免食物凍晒都未齊人。食物方面，我地order左海鮮扁意粉、美國特級肉眼扒、夏威夷特色薄餅、特級肉腸配薯蓉、燒汁芝士薯條同火辣水牛雞翼。海鮮扁意粉有幾隻青口、蝦同埋一隻帶子，意粉軟硬適中，有小小茄汁酸味，幾開胃。美國特級肉眼扒有好多肥膏，叫五成熟，但黎到似七成，食到牛香嘅，不過就有啲韌。伴碟薯角都幾好食！夏威夷特色簿餅正正常常啦！不過師傅刀工麻麻，要自己用餐刀逐塊切過。特級肉腸配薯蓉，一條紅啲嘅係有小小辣嘅，另外兩條其實差唔多味，都ok惹味嘅！燒汁芝士薯條，好大兜又好食！推介！最後係火辣水牛雞翼，佢係偏大隻炸嘅雞翼，食落係有啲開胃嘅酸味再加上 Tabasco嘅辣，又係幾惹味嘅！😋而飲品方面，我叫左杯Rosemary Lemonade, 顏色係吸引嘅，不過味道同想像中有啲出入，淡淡地的甜味，冇咩特別！總結：可能呢間餐廳主打都係俾人飲啤酒食小吃
落完order唔夠10分鐘就開始上菜喇，好快就上晒菜。如果有朋友未到，建議朋友到前10分鐘先落order，以免食物凍晒都未齊人。
食物方面，我地order左海鮮扁意粉、美國特級肉眼扒、夏威夷特色薄餅、特級肉腸配薯蓉、燒汁芝士薯條同火辣水牛雞翼。
海鮮扁意粉有幾隻青口、蝦同埋一隻帶子，意粉軟硬適中，有小小茄汁酸味，幾開胃。
美國特級肉眼扒有好多肥膏，叫五成熟，但黎到似七成，食到牛香嘅，不過就有啲韌。伴碟薯角都幾好食！
夏威夷特色簿餅正正常常啦！不過師傅刀工麻麻，要自己用餐刀逐塊切過。
特級肉腸配薯蓉，一條紅啲嘅係有小小辣嘅，另外兩條其實差唔多味，都ok惹味嘅！
燒汁芝士薯條，好大兜又好食！推介！
最後係火辣水牛雞翼，佢係偏大隻炸嘅雞翼，食落係有啲開胃嘅酸味再加上 Tabasco嘅辣，又係幾惹味嘅！😋
而飲品方面，我叫左杯Rosemary Lemonade, 顏色係吸引嘅，不過味道同想像中有啲出入，淡淡地的甜味，冇咩特別！
總結：可能呢間餐廳主打都係俾人飲啤酒食小吃啦，感覺小吃仲大碟過主食。每枱坐位都分得幾開，坐得都舒服嘅，一班朋友黎吹水飲酒的確唔錯嘅！
張貼
