影片
更多
2022-11-06
54 瀏覽
嚟過就知道完全唔使懷疑呢度食材嘅新鮮同用心，毫不猶豫叫咗最貴嘅逸set ($1480)，物有所值冇失望。刺身當中最難忘嘅當然係最矜貴嘅龍蝦刺身同牡丹蝦。 蝦肉稍為唔夠新鮮都會有少少粉，但呢度完全冇呢個問題，兩款都好爽彈。 記得上次牡丹蝦有齊蝦籽同蝦膏，蝦本身嘅甜味最突出，今次可能季節唔同剩係得蝦膏，風味完全唔同，蝦膏味濃到癲，蝦本身都比印象中鮮甜，非常出色。蟹膏豆腐都有驚喜，好有心更加左大量海膽喺面，比起一般就咁食當然鮮上加鮮，海膽比起豆腐更加滑捋捋，唔使點咬就滑咗落喉嚨。各款前菜、刺身新鮮得黎調味都好多元化，唔係一味醋漬或者酸汁，仲有燒汁、香料或者用唔同食材之間嘅原味作配合，幾有心。磯燒鮑魚好甘香惹味，岩哂餸酒。 燒甘鯛清清淡淡食到食材原味，構圖配色都好靚。壽司當中，赤貝同象拔蚌以鮮味取勝，新鮮到連喺海鮮表面正常有嘅一絲腥味都冇，厚身爽甜。平時我連熟嘅秋刀魚或者鯖魚之流都冇乜好感，估唔到秋刀魚刺身幾得我心，魚味濃郁強烈得黎唔會腥。大拖羅油到爆，完全唔會有唔好嘅油味或者血味，果然幾新鮮嘅魚刺身都好，始終都係好似牛扒之中嘅A5和牛咁，夠油先至夠滿足。 作為今年我食過最正嘅拖羅，有少少可惜
刺身當中最難忘嘅當然係最矜貴嘅龍蝦刺身同牡丹蝦。 蝦肉稍為唔夠新鮮都會有少少粉，但呢度完全冇呢個問題，兩款都好爽彈。 記得上次牡丹蝦有齊蝦籽同蝦膏，蝦本身嘅甜味最突出，今次可能季節唔同剩係得蝦膏，風味完全唔同，蝦膏味濃到癲，蝦本身都比印象中鮮甜，非常出色。
蟹膏豆腐都有驚喜，好有心更加左大量海膽喺面，比起一般就咁食當然鮮上加鮮，海膽比起豆腐更加滑捋捋，唔使點咬就滑咗落喉嚨。
各款前菜、刺身新鮮得黎調味都好多元化，唔係一味醋漬或者酸汁，仲有燒汁、香料或者用唔同食材之間嘅原味作配合，幾有心。
磯燒鮑魚好甘香惹味，岩哂餸酒。 燒甘鯛清清淡淡食到食材原味，構圖配色都好靚。
壽司當中，赤貝同象拔蚌以鮮味取勝，新鮮到連喺海鮮表面正常有嘅一絲腥味都冇，厚身爽甜。
平時我連熟嘅秋刀魚或者鯖魚之流都冇乜好感，估唔到秋刀魚刺身幾得我心，魚味濃郁強烈得黎唔會腥。
大拖羅油到爆，完全唔會有唔好嘅油味或者血味，果然幾新鮮嘅魚刺身都好，始終都係好似牛扒之中嘅A5和牛咁，夠油先至夠滿足。 作為今年我食過最正嘅拖羅，有少少可惜佢唔係厚切燒一燒放喺紫菜入面包住食，有少少唔夠過癮。
同朋友一致認同今日嘅MVP係海膽天婦羅。 有別於一般用紫蘇葉包住海膽一齊炸嘅做法，呢度淨係炸咗紫蘇葉，然後放上滿滿嘅海膽。 海膽甜到痴線，保持住少少凍凍地放喺脆口放涼嘅天婦羅上面，比起就咁食海膽更加有層次，香口惹味。
最後飲埋龍蝦舞茸菇清湯，仲有當季嘅密瓜。係滿足嘅一晚。
張貼
