影片
更多
2017-09-25
364 瀏覽
餐廳嘅裝潢富有日本嘅風味，在坐亦都有為數唔少嘅日本客人，加埋喺吧枱裏面忙碌緊嘅日本師傅，感覺猶如置身日本。呢間餐廳選用咗我至愛嘅食物夾，呢一隻食物夾最出色嘅地方係佢個夾頭唔會整污糟張枱，令成餐飯都豁然開朗。醬汁方面有三款，分別係海鹽，檸檬同埋日式燒肉汁，我覺得牛肉夠靚嘅話簡簡單單以海鹽調味甚至乎唔需要用調味已經夠哂好食。今日嘅牛肉係嚟自鳥取嘅和牛，鳥取嘅自然環境係最適宜飼養和牛嘅，自江戶時代傳承落嚟嘅和牛傳統，喺入口嘅瞬間演變成現代美味嘅結晶，除咗和牛之外，鳥取仲盛產紅楚蟹，雷魚，二十世紀梨，山芋，絹娘米同埋白蔥。食日式燒肉就梗係要嗌返杯日本啤酒嚟爽一爽啦，揀咗杯三得利生啤酒，啱啱上枱嘅生啤 head foam 足有三吋，靜待泡沫消散並落下嘅過程中，啤酒中部份嘅香氣與苦味成份就會散發出嚟，變成迷人嘅芳香；而碳酸亦都會轉趨柔和，令到個口感更加輕快淡雅，三得利係喺香氣方面充分表現啤酒花嘅芳香，而又能夠喺綿密的泡沫口感之中表現出淡雅麥芽風味嘅一隻啤酒。飲兩啖啤酒前菜沙律就送到，係鳥取原產嘅山芋天婦羅沙律，山芋天婦羅都係第一次食，真係估佢唔到咁香脆，一般炸嘢唔多唔少都會遮掩咗食材原本嘅味道，不
呢間餐廳選用咗我至愛嘅食物夾，呢一隻食物夾最出色嘅地方係佢個夾頭唔會整污糟張枱，令成餐飯都豁然開朗。
醬汁方面有三款，分別係海鹽，檸檬同埋日式燒肉汁，我覺得牛肉夠靚嘅話簡簡單單以海鹽調味甚至乎唔需要用調味已經夠哂好食。
今日嘅牛肉係嚟自鳥取嘅和牛，鳥取嘅自然環境係最適宜飼養和牛嘅，自江戶時代傳承落嚟嘅和牛傳統，喺入口嘅瞬間演變成現代美味嘅結晶，除咗和牛之外，鳥取仲盛產紅楚蟹，雷魚，二十世紀梨，山芋，絹娘米同埋白蔥。
食日式燒肉就梗係要嗌返杯日本啤酒嚟爽一爽啦，揀咗杯三得利生啤酒，啱啱上枱嘅生啤 head foam 足有三吋，靜待泡沫消散並落下嘅過程中，啤酒中部份嘅香氣與苦味成份就會散發出嚟，變成迷人嘅芳香；而碳酸亦都會轉趨柔和，令到個口感更加輕快淡雅，三得利係喺香氣方面充分表現啤酒花嘅芳香，而又能夠喺綿密的泡沫口感之中表現出淡雅麥芽風味嘅一隻啤酒。
飲兩啖啤酒前菜沙律就送到，係鳥取原產嘅山芋天婦羅沙律，山芋天婦羅都係第一次食，真係估佢唔到咁香脆，一般炸嘢唔多唔少都會遮掩咗食材原本嘅味道，不過呢間餐廳嘅天婦羅做得相當之出色，仍然能夠識別出食材本身嘅味道；山芋本身黏糯滑潺嘅口感，同佢脆身嘅外殼產生咗一種好獨特嘅口感；而喺山芋天婦羅底下嘅係新鮮嘅沙律菜，牛油果同埋車厘茄，以少少麻醬作為調味，一整個味道恰到好處，清新自然。
嗌咗幾款日式燒肉，分別係特選日本產和牛肉眼，日本產和牛上牛排肉，特選日本產和牛牛排肉，同埋日本產豚腩肉，全部都可以揀汁燒或者鹽燒，為咗貪戀和牛嘅鮮味，我哋當然全部揀咗鹽燒。
首先試嘅係和牛上牛排肉，上牛排肉油脂分佈無咁密集， 令到每一啖都更見咬口，但亦都不失和牛嘅香味，食嘅時候點一點啲日式燒肉汁，風味更佳。
喺食每一塊牛同牛嘅中間，我都會燒一塊豚腩肉嚟做間場，用少少豬味嚟到做緩衝，令到下一塊嘅牛味更加強勁，休息，是為了走更遠的路。
跟住試嘅係和牛牛排肉，和牛牛排肉嘅油脂明顯比和牛上牛排肉嚟得豐富，口感比起上牛排肉軟滑，更豐富嘅油脂亦都帶出更加強勁既牛味。
最後係日本產和牛肉眼，好味嘅嘢總係放喺最後，目測呢一塊和牛肉眼嘅脂肪比例高達七成，入口有如棉花糖咁柔軟，瘋狂嘅油脂喺口入面傾刻爆發，牛味嘅餘韻悠長，久久不散，令人相當回味。
另外作為配菜嘅蔬菜亦都不容少覷，紅黃雙色嘅椒都極其鮮甜，one and only one 嘅冬菇雖則唔算十分大隻，之但係菇味極濃，另外小青椒要小心睇火，燒得太耐嘅話會冇咁juicy。
張貼
