金鶴拉麵 (和富道) (已結業)

早前係炮台山上完堂，順利係附近食飯，鍾意食日本野的我，見到一間拉麵店叫金鶴拉麵，便入去試下。一踏入店內, 怖置和裝修帶有日本食店的感覺.我選了極濃雞白湯拉麵。賣相精緻。湯底特別濃和杰身，感覺似沾麵湯底，這樣麵能夠掛到更多湯。麵質軟硬適中，啱我口味。叉燒吾會太乾身，仲有我愛食的溫泉蛋。另外，點了串燒。黑椒牛舌串。牛舌係我最愛，幾有咬口，入口帶有黑椒味道，這樣更惹味。蒲燒鰻魚串。鰻魚夠厚身，魚皮帶脆，雙重口感。日本長蔥。一口氣食了多款肉類，所以點長蒽中和一下。