影片
更多
2021-08-22
54 瀏覽
之前都有聽過呢間拉麵嘅雞白湯好出名好正！今日見到2人餐幾抵就嗌咗嗰2人餐，包兩碗拉麵、兩份小食，同埋飲品，仲可以加$20就可以轉 極濃雞白湯拉麵，亦可轉期間限定嘅 北海道花咲蟹濃厚拉麵！小食方面就嗌咗炸雞、炸餃子各一款～【極濃雞白湯拉麵】不愧為招牌拉麵，湯底超濃厚又creamy，雞白湯配上稍為粗身嘅拉麵，掛湯一流！兩塊低溫慢煮雞肉，肉質嫩滑，加上一塊薄切豚肉，配上新鮮炸起嘅牛蒡，一碗有三重享受！【北海道花咲蟹濃厚拉麵】湯底雞白湯加上濃厚嘅蟹肉鮮味，比起雞白湯拉麵更勝一籌，口感更豐富！麵上佈滿蟹肉，鮮甜可口，同樣地配有一塊薄切豚肉以及溏心蛋。呢款期間限定拉麵值得一試！【唐揚炸雞、炸餃子】炸雞炸粉薄身，肉質嫩滑，不油膩，另配上岩鹽。炸餃子不過不失，正常發揮。最後侍應奉上抹茶蕨餅作為甜品～滿足～拉麵份量對男仔嚟講都已經非常足夠，再加小食已經好夠飽😋
今日見到2人餐幾抵就嗌咗嗰2人餐，包兩碗拉麵、兩份小食，同埋飲品，仲可以加$20就可以轉 極濃雞白湯拉麵，亦可轉期間限定嘅 北海道花咲蟹濃厚拉麵！小食方面就嗌咗炸雞、炸餃子各一款～
【極濃雞白湯拉麵】
不愧為招牌拉麵，湯底超濃厚又creamy，雞白湯配上稍為粗身嘅拉麵，掛湯一流！兩塊低溫慢煮雞肉，肉質嫩滑，加上一塊薄切豚肉，配上新鮮炸起嘅牛蒡，一碗有三重享受！
【北海道花咲蟹濃厚拉麵】
湯底雞白湯加上濃厚嘅蟹肉鮮味，比起雞白湯拉麵更勝一籌，口感更豐富！麵上佈滿蟹肉，鮮甜可口，同樣地配有一塊薄切豚肉以及溏心蛋。呢款期間限定拉麵值得一試！
【唐揚炸雞、炸餃子】
炸雞炸粉薄身，肉質嫩滑，不油膩，另配上岩鹽。炸餃子不過不失，正常發揮。
最後侍應奉上抹茶蕨餅作為甜品～滿足～
拉麵份量對男仔嚟講都已經非常足夠，再加小食已經好夠飽😋
張貼
