影片
更多
2017-01-01
345 瀏覽
除夕夜，諗住開開心心食個dinner，送走2016，點知中了伏，我本身對於食都不會太多批評，好一餐，唔好又一餐，但今次真的忍唔住俾呢間垃圾食肆劣評！同老婆兩人諗住唔同人迫，5點半已去到等位，前面有兩pair，後邊起碼有十幾人，睇過個menu，價錢中上，但啲食物名稱幾吸引。坐低點了3個菜式，第一個係班蘭嫰雞卷，有6舊，我食第一舊，有啲酸酸哋，以為本身係咁，點知第2，3舊又無喎，老婆食咗3舊都話無特別。而雞肉本身無乜特別，有肉汁，不是乾爭爭的，普通串燒味道，點個酸汁係夾嘅。(酸汁係正常的酸)第二個係青咖哩青口闊條麵，$148，份量徧少。第一個餸同第二個餸相距大概20分鐘，不正常的太耐。上菜時見到隔兩張枱點同一個餸，好明顯係等埋一齊煮啦，不過最過份嘅係闊條麵是凍的，嚴格來說是微暖，我真係想爆，不過老婆話唔好積住唔開心嘅事渡過2016，我忍！青口又有沙，青咖哩老婆話聞到好香，sorry我真係唔覺得，食落好普通，無乜青咖哩味。最過份的主菜來了，價值$188的燒乳豬，得7小舊，當中得兩舊有肉，其中一舊係燶嘅。其餘5舊亦都係一塊微暖，不太脆的豬皮，包住一舊肥高，想點呀？極速食完就埋單，唔想忍唔住爆發
同老婆兩人諗住唔同人迫，5點半已去到等位，前面有兩pair，後邊起碼有十幾人，睇過個menu，價錢中上，但啲食物名稱幾吸引。
坐低點了3個菜式，第一個係班蘭嫰雞卷
，有6舊，我食第一舊，有啲酸酸哋，以為本身係咁，點知第2，3舊又無喎，老婆食咗3舊都話無特別。而雞肉本身無乜特別，有肉汁，不是乾爭爭的，普通串燒味道，點個酸汁係夾嘅。(酸汁係正常的酸)
第二個係青咖哩青口闊條麵，$148，份量徧少。第一個餸同第二個餸相距大概20分鐘，不正常的太耐。上菜時見到隔兩張枱點同一個餸，好明顯係等埋一齊煮啦，不過最過份嘅係闊條麵是凍的，嚴格來說是微暖，我真係想爆，不過老婆話唔好積住唔開心嘅事渡過2016，我忍！青口又有沙，青咖哩老婆話聞到好香，sorry我真係唔覺得，食落好普通，無乜青咖哩味。
最過份的主菜來了，價值$188的燒乳豬，得7小舊，當中得兩舊有肉，其中一舊係燶嘅。其餘5舊亦都係一塊微暖，不太脆的豬皮，包住一舊肥高，想點呀？
極速食完就埋單，唔想忍唔住爆發。之後去了第二間，食兩個好好味嘅雪糕球，開心地告別2016年，2017年精精神神，Haopy new year
張貼
